Read njo TENÜNGSANG KEN 140 Bible Online

TENÜNGSANG KEN 140 - njo bible

TENÜNGSANG KEN 140

¹Oh KIBUBA, nisung tamajunger nungi ni kümzükang; Tesashi nisung nungi ni kümzükangma.

²Shirnoki pei mulungjang nung tasa tamajung asar; maneni parnoki parnok sasa rara asoshi külemi senteper.

³ Per ama parnoki parnok tepu chiradaktsü; ongyang per mim parnok tebang mechi telung nung lir. (Selah)

⁴Oh KIBUBA, tamajunger ket nungi ni kümzüka yuang; tashiyim nisung nungi ni kümzüka yuang; tesashi nisung nungi ni kümzükangma; shirnoki kü jenjang mekepdoktsü tasa asar.

⁵Asükümeri ni asoshi sang aser lisü miima yua lir; parnoki lenmang tezülen sang mesanga lir; parnoki ni asoshi lungnen yua lir. (Selah)

⁶Ni KIBUBA dang ashi, “Na kü Tsüngrem lir. Kü temepishiba ola nung tenarong tenjang, Oh KIBUBA.”

⁷Oh KIBUBA, kü tekümtet asoshi tashi, tongbang anogo nung nai kü kolak tongbangtsür.

⁸Oh KIBUBA, tamajungeri jangraba temela ma; parnok tamajung tasa takok tengudaktsüma; aji mesüra parnoki parnok sasa mezümekümtsü. (Selah)

⁹Shirnoki ni meketbanger, parnok tekolak angaka tetudaktsü; parnok pei tebang nung tamajung agi parnok nembangdakjangma.

¹⁰Parnok dak jangrua aliba mijang tsükdakjang; parnok tanaben madoktettsüsa, kangla tarok nung enokjang.

¹¹Tamajung jembir alima nung tenoktakdak makatsü; tashiyim nisungji, pa laodaktsütsü tamajungi arishitsü.

¹²Ni metet tepetzükba pur asoshi, aser sensaker tim mapa asoshi KIBUBA noktaktsü.

¹³Atangji temeshipuri ne tenüng nung, tenüngsang agütsütsü; tamayazür ne tsüngdang alitsü.