Read njo TENÜNGSANG KEN 141 Bible Online

TENÜNGSANG KEN 141 - njo bible

TENÜNGSANG KEN 141

¹KIBUBA, ni ne dang ajar, kü dangi kara arungma; kodang ni ne dang jadir, kü ola nung tenarong tenjangma.

² Teronem ama kü sarasademba, nikongdang tetepsetba tenla ama kü teka mekangba ne madangi atudakjangma.

³Oh, KIBUBA, kü bang madak tanüker ka yujangma; kü tebangmechi kishi nükangma.

⁴Nisungtem shirnoki tai inyaker, parnok tamajung mapa nung matentsü nai kü mulungjang tamajunglen teshidaktsüma, aser kü nem parnok chiyungtsü tajung techidaktsüma.

⁵Temeshi nisungi temeim agi kü dak zükdakjang, saka tamajunger totzü agibo kodanga kü kolak nung temezüdaktsü; kechiyong kü sarasadem parnok mapa tamajung anema maneni lir.

⁶Kodang parnok o bendangtsü asoshi agütsüdir, idangji parnoki KIBUBA otem tajung lir ta metettsü.

⁷Lungrenbang nungi lung ajasa-a tsükba ama, parnok teret Sheol bang nung prokshitsü.

⁸Saka kü tenük ne tsütsü lir, Oh KIBUBA Tsüngrem; ne dak ni atsükoktsür; ni tatsükokdak makai tetoktsüma.

⁹Ni asoshi sang soa aliba nungi; aser tamajung inyaker lungnen nungi ni kümzüka yuangma.

¹⁰Ni jenbua aodang, tamajung inyakerbo, parnok pei sang nung pudakjangma.