Read njo TENÜNGSANG KEN 142 Bible Online

TENÜNGSANG KEN 142 - njo bible

TENÜNGSANG KEN 142

¹KIBUBA dang kü ola agi ni ayimtener; ni KIBUBA dang kü ola agi mepishir.

²Ni pa madang temulung masüba sayur; ni pa madang kü timtem ashir.

³Kodang kü nela lular, nai kü lenmang meteter. Ni jajatsü lenmang nung parnoki ni asoshi sang soa yutsür.

⁴Teka tajichi reprangang, aser ajiang; saka ni meteter nisung shinga mali; ni tejenokdak mali; nisung shingai kü nela asoshi mebilemtsür.

⁵Ni ne dang ayimten, Oh KIBUBA. Ni ashi, “Na kü jenokdak. Akümli nung na kü shilem lir.”

⁶Ni ayimtenba nung temulung tokangma; kechiyong ni kanga ludakja lir. Kü rishikangshirtem nungi ni kümzükang; kechiyong kü dang nungi parnok tashi taitba lir.

⁷Ne tenüng nung ni tenüngsang agütsütettsüsa, kü nela tepuokdak nungi anitetangma. Temeshipuri ni meketbangtsü; kechiyong nai kü den talubosa benshitsü.