Read njo TENÜNGSANG KEN 143 Bible Online

TENÜNGSANG KEN 143 - njo bible

TENÜNGSANG KEN 143

¹Kü sarasademba angang, Oh KIBUBA; kü temepishiba nung tenarong tenjangma. Ne temulung lemtetba nung aser ne temeshiba nung kü dang langzüangma.

² Ne tenzüker den o tebendangma; Kechiyong ne tsüngdang taküm alir shinga memetentsü.

³Kechiyong tsükchiri kü nela arishir. Pai kü taküm ali tonga alua azük. Shirnok sür talangka liasü item amaji, pai ni ammang nung lidaktsü.

⁴Aji asünung kü nela kü telunglen lular; kü mulungjang telunglen shimaka lir.

⁵Alemli anogotem ni bilemteter; nai inyakba ajak indang ni shisadanger.

⁶Ni kü teka ne dangi songtoker; ali takong ama kü nelai na asoshi tzürar (Selah)

⁷Kü dang langzütsü karangma, KIBUBA; Kü nela lular. Kü madang nungi ne tejak temiimma; aji mesüra shirnok kanglai alu parnok mesüka ni akümtsü.

⁸Anepdang ne temeim yimlibilem kü nem angashidakjangma; kechiyong ni ne dak amanger. Kechi nung ni jajatsü tim kü nem metetdakjangma. Kechiyong ni kü nela ne dangi ajungketer.

⁹Kü tsükchirtem nungi, Oh KIBUBA, ni kümzükangma. Ne dak atsükoktsü ni ne dangi arur.

¹⁰Nai mulungba inyaktsü kü dang sayuangma, kechiyong na kü Tsüngrem lir. Ne tanela tajungi lenten lenmang nung ni anidakjangma.

¹¹Ne tenüng atema, Oh KIBUBA, kü taküm kümzükangma. Ne temeshiba agi kü nela timtem nungi anitetangma.

¹²Aser ne temeim yimlibilem agi kü tsükchirtem leptokadokangma, aser kü nela timtemdaktsür ajak samadakjang. Kechiyong ni ne tenzüker lir.