Read njo TENÜNGSANG KEN 144 Bible Online

TENÜNGSANG KEN 144 - njo bible

TENÜNGSANG KEN 144

¹KIBUBA, kü lung, temoatsüba süang, shibai rara asoshi kü teka, aser raratsü kü temeyong sayuteter.

²Kü lung, aser kü mitsa, kü tashi tait lungki aser kü tekümzüker, kü jong, aser pa dak ni jenokdak bushir; shibai nüburtem kübok ayutsü.

³ KIBUBA, nai meimchir metetsüsa kechi lir? Mesüra nai nisung chir züngshitsüsa kechi lir?

⁴Nisungji tangula ka dang mesüka lir; pa anogotemji süia aoba akhüm ka mesüka lir.

⁵Oh KIBUBA, ne anüngtem mokremang, aser alung; tenemtem dak kongshiang, aser parnoki mokozü alongtsü.

⁶Tsüngpret yokang, aser parnok prokshidakjang; ne lijakjang yokang, aser parnok lokshia odakjang.

⁷Temalen nungi ne teka songtokang; Tzü tulu nungi, Bendangertem ket nungi, ni sotang, aser ni kümzükang.

⁸Parnok tebang agi amajok jembir, aser shirnok teka tajichi tiyazü teka tajichi lir.

⁹Oh Tsüngrem, ni ne dang ken tasen ka tenyutsü. Lisü ter aketba tzürang kongki manung ni ne dang tenüngsang atentsü.

¹⁰Chubatem nem takok agütsübaji pa lir. Pai pa tenzüker Dawid teyirutsü nok nungi kümzüker.

¹¹Bendangertem ket nungi ni sotang, aser ni kümzükang, parnok tebangi tiyazü jembir, aser parnok teka tajichi tiyazü teka tajichi lir.

¹²Onok jabasotem parnok asangwa nung süngdonglidong teyintet mesüka, onok jalatem chuba ki yangertsü kinük lung angentetba ama kümdakjangma.

¹³Süngjang tapu meyina rizüngtsüsa onok jen süngdakjang. Onok san meyirijang aser meyi ter moapu nung adokdakjangma.

¹⁴Ozü shirurutem techanu merepdang memepushidaktsüi, techanu agi reta kümdakjang. Onok yimdong nung tejashiba ola telidaktsü!

¹⁵Iba ama temoatsü angurtem tepelatsü! Koba nübur Tsüngrem KIBUBAji lir, tepelatsü!