Read njo TENÜNGSANG KEN 146 Bible Online

TENÜNGSANG KEN 146 - njo bible

TENÜNGSANG KEN 146

¹Nenoki KIBUBA sangang, KIBUBA sangang, o kü nela.

²Ni taküm ali tashi ni na asangtsü; ni kü Tsüngrem dang ni taküm alidang tenüngsang ken atentsü.

³Tongtipur dak, mesüra nisung chir shiba dak teyari mali, pa dak nenoki temulung telem.

⁴Kodang pa tangula oadoker, pa pei ali dangi meyiper. Iba anogo nungjisa pa tebilembatem samar.

⁵Shiba pei teyari asoshi Yakob Tsüngrem lir, shiba teimla KIBUBA pa Tsüngrem dak lir, tepelatsü.

⁶ Shibai anüng aser ali yanglu, tzüyim, aser item nung aliba ajak; shibai atangji teti ayur.

⁷Shibai tajemreper nem ochiba agütsür; shibai yaseta alir nem chiyungtsü agütsür. KIBUBAi tepuokertem chioker;

⁸KIBUBAi nükpoker tenük lapoktsür; Shirnok mechioka ali parnok KIBUBAi mesor. KIBUBAi temeshipur meimer.

⁹KIBUBAi aenertem madak nüka alir; pai tebu malir aser amitsür ajungketer; saka tamajunger lenmang pai raksadaktsür.

¹⁰KIBUBAi teti chubatsü, Oh Zion, ne Tsüngrem, putu ajak songtema, Nenoki KIBUBA sangang.