Read njo TENÜNGSANG KEN 2 Bible Online

TENÜNGSANG KEN 2 - njo bible

TENÜNGSANG KEN 2

¹ Kechiba kintemi rongrongteper, aser nisungtemi amajok nung tasa asar?

²KIBUBA aser pai mezüja shimtetba anema alima chubatemi noktaker, aser yimsüsürtemi külemi tasa asar.

³Parnoki ashir, “Asenoki parnok talenba raksatsüdi, aser parnok yimsüsüba asenok dak nungi endokdi.”

⁴Kotak yimli nung amenbai menütsür; KIBUBAi parnok sensamasatsür.

⁵Idangji pai ain adoka parnok arütsütsü aser pa ain adokba parnok nem tsübudakja ashitsü,

⁶“Kü temeshi tenem Zion nung ni kü chuba mendaktsüogo.”

⁷ Ni KIBUBA ozüng metetdaktsütsü: pai kü dang ashi, “Na kü jabaso, tanü ni na aso.”

⁸Kü dang meshiang, aser kintemji ne senmang kümdaktsüdi, aser alima tatem tashiji ne meyong asütsü.

⁹ Nai parnok merang ajok agi raksatsütsü. Nai parnok ali po ama anüka akusatsütsü.

¹⁰Anungji tang, nenok chubatem shisa ka-ang; nenok yimsüsürtem kümdangang.

¹¹KIBUBAji tsübuseta tenzükang, aser atentena pela-ang.

¹²Techir dang külemang, aji oda mesüra pa ain adoka nenok lenmang nung samatsü, kechiaser pa ain yakta adoktsüsa kar. Shirnokisa pa dak jenoker parnok tepelatsü.