Read njo TENÜNGSANG KEN 20 Bible Online

TENÜNGSANG KEN 20 - njo bible

TENÜNGSANG KEN 20

¹Timtem anogo nung KIBUBAi ne dang langzüang, Yakob Tsüngremi na kümzükangma.

²Temeshidak nungi pai ne dangi teyari yokdakjang, aser zion nungi teyari arudakjangma.

³Ne tenla ajak pai bilemtetdakjang, aser ne tarongba tenlatem pai agizükdakjang (Selah)

⁴Ne mulungjangi aginüba ajak agüjang, aser ne sentong ajak atalokdakjang.

⁵Kodang nai takok ngudir, onoki tepela agi ayimtentsü, aser onok Tsüngrem tenüng nung onoki nisan asongtsü. Nai mepishiba ajak KIBUBAi atalokjangma.

⁶KIBUBAi pei sasa mezütsüba dang yarir ta ni tang meteter; pai pei temeshi kotak nungi pa dang langzü, aser pa tashi-ain tulu agi takok agütsür.

⁷Kari talungtsü dak aser kari kor dak temulung alemer, saka onokibo KIBUBA ozü Tsüngrem tenüng nung temulung alemer.

⁸Item nisungtemji metsüdaktsü aser alangtsü, saka onokbo tashi ita noktaktsü.

⁹Oh KIBUBA, chubaji kümzükang; kodang onoki jadir Pai onok dang langzüangma.