Read njo TENÜNGSANG KEN 21 Bible Online

TENÜNGSANG KEN 21 - njo bible

TENÜNGSANG KEN 21

¹Oh KIBUBA, chubai ne tashi nung pelar; nai pa nem takok agütsüba agi pa koda tali pelar!

²Nai pa nem pa mulungjangi aginüba agütsüogo; aser pai mepishiba nai langzüogo. (Selah)

³Temoatsü tajungtiba den nai pa den ajuruteper; nai pa tekolak nung hon temeja korang semtsür.

⁴Pai taküm asoshi ne dang meshi, aser nai aji pa nem agütsü, oda tatem maka arishi.

⁵Ne tekümtet ajanga pa sentsüwangshi tulu lir; nai pa nem tetushi aser tamaren agütsür.

⁶Atangji nai pa dang tatem maka temoatsütem mela; aser ne tatenba agi pa pela-a kümdaktsür.

⁷Kechiaser chubai KIBUBA dak temulung alemer; aser tematiba temeim ajanga pa kümzüka alitsü.

⁸Ne teka agi ne tsükchirtem ajak akoktsü; neka tajichi agi na sempartem akoktsü.

⁹Kodang pa arudir, pai parnok jangrua aliba milak agi samatsütsü. KIBUBAi pa ain adok nung parnok meyoktsü, aser mi agi parnok rongdoktsü.

¹⁰Parnok dak jakzükbatem nai alima nungi samatsütsü; parnok metsü meimchir rongnungi samatsütsü.

¹¹Parnoki na anema tamajung bilemaka, aser tasa tamajung asa-aka, parnoki takok mangutsü.

¹²Kechiaser nai parnok tesülen shitsütsü, ne lijak agi parnok dak akatsü nai renemtsü.

¹³Oh KIBUBA, ne tashi nung pela-ang, onoki ne tashi ken aser nüngsang ken atentsü.