Read njo TENÜNGSANG KEN 26 Bible Online

TENÜNGSANG KEN 26 - njo bible

TENÜNGSANG KEN 26

¹Oh KIBUBA, kü o bendangang, kechiaser ni ochi nung jajaogo; Ni marendaki KIBUBA dang amangogo.

²Ni atitangang Oh KIBUBA, aser ni tendangang, kü mulungjang aser tebilemba tendangang.

³Kechiaser ne temeim kü nükdang lir, aser ni ne ochiba nung maneni jajar.

⁴Tiyazü nisungtem den ni mamener, mesüra anemsürtem den ni memedemer.

⁵Temenen inyaker telokji ni sempar, aser tamajunger den külemi ni mamentsü.

⁶Oh KIBUBA, tai makaba nung kü teka metsüker, aser ne tekülemdaki aor den adener.

⁷Ne nüngsang ken tashi agi tena, aser ne tesüngmangtsü mapa ajak indang ashitsü.

⁸Oh KIBUBA, na aliba ki, kong ne sentsüwangshi alir, ni ibaji meimer.

⁹Temenenpurtem den kü tanela tanima, mesüra azü jangraba nisungtem nungi ni kümzükangma;

¹⁰Shirnok teka agi teti tamajung inyaker, shirnok teka tajichi süpokrem agi sünga lir.

¹¹Saka nibo ochi nung jajaogo, kü dang aochiang aser ni kümzükang.

¹²Kü tetsüng shitak nung noktaka lir, telok tulu nung ni KIBUBA asangtsü.