Read njo TENÜNGSANG KEN 3 Bible Online

TENÜNGSANG KEN 3 - njo bible

TENÜNGSANG KEN 3

¹KIBUBA, kü tsükchirtem koda tali aküm! Aikati ni anema apusodagi!

²Aikati kü indang yamai ashir, “Tsüngremi pa mekümzüktsü.” (Selah[1])

³Saka na, Oh KIBUBA, ni meketa jong lir; nai kü nem sentsüwangshi agütsü, aser kü kolak ajungket.

⁴KIBUBA dang ni tashi agi ayimten, aser pai pei temeshi tenem nungi kü dang langzü. (Selah)

⁵Ni ontaker aser amua aor; ni ano saker, kechiaser KIBUBAi ni kümzüker.

⁶Kinük ajaklen ni anema noktakba pur meyirijangsa ter ni metsübutsü.

⁷Aramesoang, Oh KIBUBA! Ni kümzükang, Oh kü Tsüngrem! Kü tsükchir ajak dak nai tenibung nung maokjang; tamajungpur tepu raksajang.

⁸KIBUBA nungi tekümtet arur, ne nüburtem dak ne temoatsü lidakjang. (Selah)