Read njo TENÜNGSANG KEN 30 Bible Online

TENÜNGSANG KEN 30 - njo bible

TENÜNGSANG KEN 30

¹Ni na tushidi Oh KIBUBA, kechiaser nai ni meso, aser tsükchirtem kü madak mepeladaktsü.

²Oh KIBUBA, kü Tsüngrem, teyari asoshi ni ne dang ayimten, aser nai ni anebtsüogo.

³Oh KIBUBA, nai ni Sheol nungi anitet; kanglai malutsüsa nai kü taküm yutsü.

⁴KIBUBA dang tenang nenok temeshipurtem; pa temeshi tenüng sangang.

⁵Kechiaser pa ain adok kenpiga dang, saka pai saklokbajibo taküm tepiyong, tajepbaji konung dang alitsü, saka anepdang tepela arur.

⁶Ni kü azükaru nung ashir, “Ni kodanga marakzütsü.”

⁷Oh KIBUBA kodang nai kü dak saklok, nai ni tenem tulu ka mesüka kümdaktsü. Saka kodang nai ne tejak ni nungi miim, ni temulung makai liasü.

⁸Oh KIBUBA, ni ne dang ayimten; teyari asoshi ni KIBUBA dang mepishi.

⁹Ni kanglai ira kü tasübaji kechi tajangzük ali? Auyi agi na asangtsü ama? Mesüra item jagi ne tamang katetba indang sangoktsütsü ama?

¹⁰Oh KIBUBA kü dang angang aser aochiang, Oh KIBUBA na kü teyarir süang.

¹¹Nai kü mangyimba tsüngsangba agi melentsüogo, nai kü anemsü pungzüktsüogo aser ni tepela agi sobutsü.

¹²Anungji ni ola madoki malitsü; ni ne nüngsang ken atentsü; Oh KIBUBA, kü Tsüngrem, tatem makai ni na asangtsü.