Read njo TENÜNGSANG KEN 36 Bible Online

TENÜNGSANG KEN 36 - njo bible

TENÜNGSANG KEN 36

¹ Tamashi nisung temulungjang telungtiba nung ozüng raksaba temeneni jembir; pa nükdang Tsüngrem tsübubaji mali.

²Kechiaser pai pei tai majitettsü, aser itemji mesembatsü ta pei sasa pei nükdang asanger.

³Pa tebang nungi adokba otemji tamashi aser tashioktsübatem lir; pai shisa ka-a aser tajung inyaktsü anenogo.

⁴Pai pei yipten nung ontaker tasa tamajung asar, aser tamajung kata mesendoker.

⁵Oh KIBUBA, ne temeimi anüng atonger, ne temulung lemtetba agi mepettem atonger.

⁶Ne temeshibaji Tsüngrem tenemtem ama, ne obendang tzü tarok ama lir. Oh KIBUBA, nai meimchir aser shiruru kümzüker.

⁷Oh Tsüngrem, ne yimlibilem koda senti! Ne tashikang kübok meimchirtem jenoker.

⁸Ne kidang moshia akaba nungi parnok tipatemer, ne jangra atemba ayong nungi nai parnok nem jemdaktsür.

⁹Kechiaser taküm ajak ne dak apok, ne tesangwa nung onoki tesangwa angur.

¹⁰Shiri na metet parnok den ne temeim maneni liang, temulung tindangpur den ne temeshiba maneni liang.

¹¹Asüküm tetsüng ni anema tarudaktsü, mesüra tamajunger teka agi ni taridokdaktsü.

¹²Tai inyakertem laoa alibaji ajiang, parnok saktsü mokoki laoa lir.