Read njo TENÜNGSANG KEN 4 Bible Online

TENÜNGSANG KEN 4 - njo bible

TENÜNGSANG KEN 4

¹Kodang ni sarasademdir, kü dang langzüang; Oh kü temeshiba Tsüngrem. Ni timtem nung alidang nai yari; Kü dang aochiang aser kü sarasadem angang.

²Oh nisungtem, nenoki kopiga kü sentsüwangshi ludaktsütsü? Nenoki kopiga amajok meimtsü, aser tiyazü benshitsü? (Selah)

³Temeshipur KIBUBAi pei asoshi shimtetogo ta metetang; Kodang ni KIBUBA dang jadir, pai angashitsü.

⁴ Ain adoka temenen tebenshi; kodang na yipten nung ondakdir, ne mulungjang bushiang aser ajemajema liang. (Selah)

⁵Tim tanela agi KIBUBA dang tenla-ang, aser pa dak temulung lemang.

⁶Aikati ashir, “Shibai onok dang langka tajung sayutsü?” Oh KIBUBA, ne tejak tesangwaji onok dak yalokjang.

⁷Parnok tsük aser yi tali akümdang pelaba dak tali nai kü mulungjang nung tepela enoktsüogo.

⁸Kodang ni ontakdir ni tesünep nung amua odi; kechiaser Oh KIBUBA nai dang ni kümzüka lidaktsür.