Read njo TENÜNGSANG KEN 52 Bible Online

TENÜNGSANG KEN 52 - njo bible

TENÜNGSANG KEN 52

¹Oh tashi tulu akaba nisung, kechiba nai mapa tamajung nung mezümekümer? Tsüngrem yimlibilem teti alir.

²Kusünok techira agi külaka inyakba ama, ne temeli agi tasa tamajung asar.

³Nai tajung dang nungi tamajung temeimba, aser ochi dang nungi tiyazü jembitsü temeimba. (Selah)

⁴Oh na tekülak temeli, nai ne temeli agi tangar yirutsütsü meimer.

⁵Anungji Tsüngremi na tatem makai samatsütsü, pai na aputsü aser süki nungi endoktsü, aser akümlir lima nungi na atsüdoktsü. (Selah)

⁶Temeshipuri aji ngua tsübutsü, parnoki pa dak menülokja ashitsü,

⁷“Reprangang, iba nisungi Tsüngremji pa jenokdak mekümdaktsü, saka pei rongsen tulu dak temulung alem, aser tangar raksatsüba ajanga tashi ita aküm.”

⁸Saka nibo Tsüngrem kidang aliba oliv süngdong ama lir, teti tatem makai Tsüngrem yimlibilem dak ni temulung alemer.

⁹Nai kechi inyakogo, iba atema ni tatem makai ne tenüng asangtsü, ne nüburtem rongnung ni na ajungba indang sangoktsütsü.