Read njo TENÜNGSANG KEN 54 Bible Online

TENÜNGSANG KEN 54 - njo bible

TENÜNGSANG KEN 54

¹Oh Tsüngrem, ne tenüng agi ni kümzükang, ne tashi agi kü o bendangangma.

²Oh Tsüngrem, kü sarasadem angang, kü temepishiba ola angangma.

³Kechiaser aeneri ni anema apusor, nisung tamajungeri kü taküm bushir, shirnok dak Tsüngrem tsübubaji mali. (Selah)

⁴Saka Tsüngrem kü teyarir lir, KIBUBA kü tekümzüker lir.

⁵Kü anemer madaki tamajungji meyipa agüjang, Oh KIBUBA, ne ochi agi parnok samajang.

⁶Mulungsoa ni ne dang tenladi, Oh KIBUBA, ni ne tenüng sangdi, kechiaser aji tajung lir.

⁷Kechiaser pai kü timtem ajak nungi kümzükogo, aser kü tsükchirtem akokba kü nem ngudaktsüogo.