Read njo TENÜNGSANG KEN 6 Bible Online

TENÜNGSANG KEN 6 - njo bible

TENÜNGSANG KEN 6

¹ Oh KIBUBA, ne ain adokba agi nai ni tarütsüma, mesüra ne terasaba agi ni tazüokma.

²Kü dang aochiang, Oh KIBUBA, kechiaser ni lula-a lir; Ni anebjang Oh KIBUBA, kechiaser kü teret kangshir.

³Kü tanela tekangshi nung lir. Kopiga, Oh KIBUBA, kopiga?

⁴Arung aser ni kümzükang Oh KIBUBA; Ne temeim taochi agi ni kümzükangma.

⁵Kechiaser tasü yim nung na bilemtetba maka, shibai sheol nungi na asangtsü?

⁶Ni anüngba agi aniseta lir; Konungamati ni kü yipten nüktzü agi mobanger aser nüktzü agi kü yipten tenlar.

⁷Tejashi agi kü nük chilar; Kü tsükchirtem alibayong kü tenük ajener.

⁸ Nenok temenen menar ajak ni nungi aenshiang. Kechiaser KIBUBAi ni ajepba angashiogo.

⁹KIBUBAi ni mepishiba angashiogo. KIBUBAi kü sarasadem langzüogo.

¹⁰Kü tsükchirtem ajak maksü nung akseta alitsü; Ajongben makmakshishi ajanga parnok aridoktsü.