Read njo TENÜNGSANG KEN 61 Bible Online

TENÜNGSANG KEN 61 - njo bible

TENÜNGSANG KEN 61

¹Ni ayimtenba angang Oh Tsüngrem, ni sarasademba angang.

²Kü mulungjang lulaba agi alima tatem nungi ni ne dang aja. Kü dang temaba jenokdak lung jagi ni aniang.

³Kechiaser ni asoshi tsükchir nungi, jenokdak tashi tait mitsaji na lir.

⁴Ne süki nung ni teti lidi, aser ne tashikang kübok ni jenokdi. (Selah)

⁵Kechiaser nai, Oh Tsüngrem kü tenangzükba angashiogo; shiri ne tenüng tsübur parnok senmang nai kü nem agütsüogo.

⁶Chuba arishi talangka lidakjang, pa arishi putu aika lidakjang.

⁷Pa chuba mendenji Tsüngrem tsüngdang teti lidakjang, ne temeim yimlibilem agi teti pa nüka lidakjang.

⁸Idangji ni ne nüngsang ken teti atentsü, aser anogo shia kü tenangzükbatem atalokdaktsütsü.