Read njo TENÜNGSANG KEN 63 Bible Online

TENÜNGSANG KEN 63 - njo bible

TENÜNGSANG KEN 63

¹Oh Tsüngrem, na kü Tsüngrem lir, ni na yakta bushitsü; kong takong aser tzü makadak tebelemba lima lir, yangji kü nelai na asoshi tzürar, aser kü takümi na asoshi yongyar.

²Anungji ne tashi aser sentsüwangshi ngua, tekülemdak ni ne dak reprangogo.

³Kechiaser ne temeim yimlibilemji taküm dang nungi taoba, anungji kü tebangmechi-i na asangtsü.

⁴Kü taküm ali tashi ni na asangtsü, ne tenüng nung ni kü teka mekangtsü.

⁵Temo aser chiyungtsü tajungtiba agi tipatemba ama kü nela tipatemtsü; kü tebangmechi nung tepela ken agi kü tebangi na asangtsü.

⁶Kü yipten nung ni na bilemtetdang; aonung teyiprong nung ni ne dang bilemdanger.

⁷Kechiaser na teti kü teyarir, ne tashikang akhüm nung ni pelatsü.

⁸Kü tanela ne dak sotdi; ne teka tajichi agi ni soter.

⁹Shiri kü taküm samatsütsü bushir, parnokji ali tekübokleni alutsü.

¹⁰Parnokji nok tashi nem bendanga agütsütsü, parnok shirongtem asoshi chiyungtsü alitsü.

¹¹Saka chubai Tsüngrem dak pelatsü, shirisa pa agi azüngashidir parnoki pa nüngsang ken atentsü; kechiaser tiyazü jembir tebangji anendaktsütsü.