Read njo TENÜNGSANG KEN 64 Bible Online

TENÜNGSANG KEN 64 - njo bible

TENÜNGSANG KEN 64

¹Kü timtem mapang ni ayimtenba ola angang, Oh Tsüngrem; tsükchir tsübuba nungi kü taküm kümzükang.

²Tamajunger miim tasa nungi ni kümzükang, temenen benshirtem nungi ni kümzükang.

³Parnoki pei temeli nok ama arangshiogo, aser parnok o mim aketba lijakjang ama renemogo.

⁴Parnoki atsüka atar tai makar dak akar; aoksa-a parnoki kecha metsübui pa dak akar.

⁵Mapa tamajung atema parnok rongnung ajongshiteper, parnoki miima sang asotsü bangjemer; aser ashir, “shibai parnok angutsü?”

⁶Parnoki tasa tamajung asar ashir; “Shibai onok angutsü?” Meimchir shisatsü aser temulungjang tarok lir.

⁷Saka Tsüngremi parnok dak akatsü, aoksa-a lijakjang ka agi parnok yirutsü.

⁸Pai parnok temeli parnok anema meyipdaktsütsü; aser parnok teküboki ludaktsür.

⁹Meimchir ajaki tsübutsü, aser parnoki Tsüngrem mapatem sangoktsütsü aser pai inyakba mapa bilemdangtsü.

¹⁰Temeshi nisungi KIBUBA dak pelatsü, aser pa dak jenoktsü; aser temulung tindanger ajaki sentsüwangshitsü.