Read njo TENÜNGSANG KEN 75 Bible Online

TENÜNGSANG KEN 75 - njo bible

TENÜNGSANG KEN 75

¹Oh Tsüngrem, onoki ne nem tenüngsang agütsür, onoki ne nüng asanger, kechiaser na koda tulu, aser ne tesüngmangtsü mapatem onoki metetdaktsütsü.

²Nai ashi, “Kodang ni mapang shitak tenjidir, ni ochi o bendangtsü.

³Alima aser yangji alir yimti laodang; ni iba nüktangji togima tangit. (Selah)

⁴Asükümer dang, ‘Asüküma tebenshi, aser tamajunger dang, mezümeküm tesü’ ta ni ashir.

⁵Nenok asüküm kolak talangka angaka tetu, mesüra mezümeküm o tejembi.”

⁶Kechiaser anüdoklen aser anüolen nungi, mesüra anüdoklentip aser anüolentip nungi teyari marur.

⁷Saka Tsüngremji obendangsang lir; pai ka ludaktsür aser ka tudaktsür.

⁸Kechiaser KIBUBA ket nung yi tesashi meyoktepba marok ka am-a lir; Pai aji züzüker aser alima nung tamajungpur ajaki aji khanang dena mejema tashi ajemtsü.

⁹Saka ni Yakob Tsüngrem tenüngsang ken atentsü, aser iba indang tatem makai sangdongtsü.

¹⁰Ano tamajunger tashiji ni leptoktsü; saka temeshipur tashiji ni tudaktsütsü.