Read njo TENÜNGSANG KEN 8 Bible Online

TENÜNGSANG KEN 8 - njo bible

TENÜNGSANG KEN 8

¹Oh KIBUBA ozü KIBUBA, alima ajak nung ne tenüng koda tamaren! Nai ne sentsüwangshi anüngtem temalen adokdaktsür.

² Ne tsükchir aser ne mangyangertem mokorai kümdaktsütsü asoshi, kinü aser tanur bang nungi ne nüngsang atener.

³Kodang nai yangluba anüngtem, ne teka mapatem, ita aser petinutem indang ni bilemdangdir,

⁴ nai temulung agütsütsüsa meimchira kechiaka? Aser nai anebalutsüsa nisung chira kechiaka?

⁵Kechiaser nai parnok kotaker dang nungi tera agi dang tekübokba yanglu; aser parnok nem sentsüwangshi aser tetushi korang semtsür.

⁶ Ne teka mapatem madak nai parnok kibur kümdaktsüogo; nai parnok tetsüng kübok kechisarena yutsüogo;

⁷San, nashi aser arem shiruru ajak,

⁸anüng ozütem aser tzüyim ango; aser tzüyim lenmangtem nung senzüba ajak.

⁹Oh KIBUBA, ozü KIBUBA, alima ajak nung ne tenüng koda tamaren lir!