Read njo TENÜNGSANG KEN 81 Bible Online

TENÜNGSANG KEN 81 - njo bible

TENÜNGSANG KEN 81

¹Asen Tsüngrem dang tashi agi ken tenang; Yakob Tsüngrem dang tepela ola ayimokjang.

²Ken tenang, aser ola tajungba kongki temang. Tzürang kongki den tanganütsü tawaba kongki.

³ Ita tasen dang, anü meidang, aser benjongnü, jangzü apuang.

⁴Kechiaser ya Israel asoshi ozüng ka lir, Yakob Tsüngremi tenteta akaba yimsü.

⁵Kodang pa Ijip lima anema ao, Kodang ni memetetba oshi ka angashi, idangji kuli ka asütsü pai aji Yosef shimtet.

⁶Pai ashi, Parnok tapubang nungi ni khuretji endoktsüogo. Parnok khu nungi par tekaji salatsüogo.

⁷ Timtem dang nai aja, aser ni na kümzük; Tsüngmok miima alidak nungi ni ne dang langzü; Meriba tzü nung ni na atidang. (Selah)

⁸Oh kü nübur, angang, aser ni ne dang kuli agütsütsü; Oh Israel, nai kü dang angala sang!

⁹ Nenok rongnung bendanger tsüngrem malitsüla, Nenoki aener tsüngrem madang mapudaktsüla.

¹⁰Ni KIBUBA ne Tsüngrem, shibai na Ijip lima nungi anitet. Ne bang tuluka ka-ang, aser ni süngtsütsü.

¹¹“Saka kü nüburi kü ola manga; aser Israeli ni oda toktsü.

¹²Anungji parnok temulung merangba leni ni parnok odaktsü, oda parnok pei bilemba nung jajatsüsa.

¹³Oh kü nüburi kü dang angala sang; Israeli kü lenmang nung jajala sang!

¹⁴Ni par tsükchirtem yakta kokla, aser par tsükchir anema küka mekangla.

¹⁵KIBUBA sempartemji pa küboki yidaktsütsüla, aser parnok timtem mapang teti tatem makala.

¹⁶Ano pai wheat jang tajungtiba agi parnok mesüla; Aser lung nungi ninang mojitzü agi ni jangra temdaktsüla.”