Read njo TENÜNGSANG KEN 85 Bible Online

TENÜNGSANG KEN 85 - njo bible

TENÜNGSANG KEN 85

¹KIBUBA, ne lima dang nai junga aruogo; Yakob tia nai shilangtsüogo.

²Ne nübur menen nai tokogo; parnok ajak menen nai samatsüogo. (Selah)

³Ne terasaba ajak nai agienogo, Ne ain tulu adokba nungi ne sasa meyipogo.

⁴Oh ozü kümtetba Tsüngrem, onok dangi ano meyipang, aser onok anema nai ain adokba anenang.

⁵Onok dak nai tatem maka ain adoka lidi ma? Putu ajak dang nai ain adokdi ma?

⁶Ne nüburtemi ne dak pelateptsüsa nai onok asentenshi mesütsüli ma?

⁷Oh KIBUBA, onok dang temeim taochi sayuang, aser ne tekümtet onok dang mela-ang.

⁸Tsüngrem KIBUBAi kechi shidir ni angatsü; kechiaser par nübur aser par temeshipur dang pai tesünep o jembitsü. Saka parnok ano tamashi lenmangi teyok.

⁹Atangji shiri pa tsübur par anasa pa tekümtet lir, oda ozü lima nung sentsüwangshi alitsüsa,

¹⁰taochi o ochiba na ajurutepogo; temeshiba o yimjung na tebang meseptepogo.

¹¹Ali nungi ochishiba pokteter; aser kotak nungi temeshibai reprangzüka yokogo.

¹²Hau, KIBUBAi kechi tajung aji agütsütsü; aser ozü limai talubosa aji adokdaktsütsü.

¹³Pa jakdang temeshiba aotsü, aser pa jajatsü asoshi lenmang yanglutsütsü.