Read njo TENÜNGSANG KEN 91 Bible Online

TENÜNGSANG KEN 91 - njo bible

TENÜNGSANG KEN 91

¹Shibai Tematiba jenokdak alir, pai ajak Takoksang akhümpok nung alitsü.

²KIBUBA indang ni ya ashitsü, “Pa kü jenokdak aser kü mitsa. Kü Tsüngrem, shiba dak ni amanger.”

³Kechiaser ozükümer sang nungi, tasütsü wara nungi, pai na kümzüktsü.

⁴Pa züng agi na awabangtsü, aser pa shikang kübok nai jenoktsü. Pa ochiba jong aser jongkok amai lir.

⁵Aonung taoksatsüji, mesüra anüngdang yima aoba lijakjangji, nai metsübutsü.

⁶Mesüra aonung jajaba wara, mesüra teruto nung teraksa adokba nai metsübutsü.

⁷Ne tsüngdang meyi ka laotsü, na meketa meyi ter, Saka nabo meyirutsütsü.

⁸Ne tenük agidang reprangtsü, aser tamajunger tajangzükji angutsü.

⁹Kechiaser nai KIBUBAji ne jenokdak kümdaktsü. Tematibaji ne talidak kümdaktsü.

¹⁰Anungji temenen kecha agia na matongtsü, mesüra ne süki anasa wara kecha marutsü.

¹¹ Kechiaser na aolen ajak nung kümzüktsüsa, pai kotak tenyartem nem ozüng agütsütsü.

¹²Lung nung ne tetsüng metsüa lir ta, parnoki na parnok ket nung ajungtsü.

¹³ Nai molusongzü aser per manung ajemshitsü; Ne tetsüng agi molusongzü pungtu aser perji ajemsatsütsü.

¹⁴Kechiaser pai kü dang meim nungji ni pa kümzüktsü; Pai kü nüng shitet nung ni pa temalen mendaktsütsü.

¹⁵Pai kü dang sarasademtsü, aser ni pa dang langzütsü; timtem dang ni pa den alitsü; ni pa kümzüktsü, aser akhüm agütsütsü.

¹⁶Arishi talang agüja ni pa jangratemdaktsütsü, aser kü tekümtet pa dang sayutsü.