Read njo TENÜNGSANG KEN 94 Bible Online

TENÜNGSANG KEN 94 - njo bible

TENÜNGSANG KEN 94

¹KIBUBA, na mangyangba Tsüngrem lir, Na mangyangba Tsüngrem, ain adokdang.

²Aramesoang Oh alima o bendangsang, asükümer nem parnok dak alangba agüjang.

³Oh KIBUBA tamachi nisungtemi kopiga, kopiga tashi tamachi nisungtemi pelateptsü?

⁴Parnoki ngasangatema jembir; temenen inyaker ajaki parnok sasa asüakümer.

⁵Oh KIBUBA parnoki ne nübur menüngsatsür, aser ne senmang kangshir.

⁶Parnoki amitsür o aener lepseter, aser lajartem tepseter,

⁷Aser parnoki ashir, “KIBUBAi tangua mangutsü, mesüra Yakob Tsüngremi tangateta mangateter.”

⁸Nisung rongnung nenok tamashirtem, angatetang; aser nenok tamashirtem, kodangang shisa akatsü?

⁹Shibai asen tenarong yanglutsü, pai mangashili ma? Shibai asen tenük yanglu, pai munguli ma?

¹⁰Shibai kintem o bendanger, pai memerenshilima? oda shibai nisung dang shisatsü sayur, pa shisatsü melilima?

¹¹ KIBUBAi nisung mulungjang meteter, kechiaser parnok tangula ka dang.

¹²Oh KIBUBA, nai shiba merenshir, aser ne ozüng nungi sayur pa tepelatsü.

¹³Oda, tamajunger parnok mapa tamajung asoshi ongken matu tashi, timtem anogo nung nai pa nem anisüngzük agütsür.

¹⁴Kechiaser KIBUBAi pei nübur memeindoktsü, mesüra pa senmang mesentoktsü.

¹⁵Kechiaser obendangbaji temeshileni meyiptsü; aser temulung tindanger ajaki iba sülen aotsü.

¹⁶Tamajung inyaker anema shibai ni asoshi noktaktsü? Temenen inyaker anema shibai ni asoshi noktaktsü?

¹⁷KIBUBAi ni meyarilasang, kü nela sür lila.

¹⁸“Kü tetsüng ajudoker” ta ni kodang ashi, ne temeim taochi agi, Oh KIBUBA, ni meso.

¹⁹Kü mulungjang shisabulu onsaradang, ne tesünep agi kü nela peladaktsür.

²⁰Temenen chuba menden, kobai temenen ozüng kümdaktsür, ibaji ne den telungjem lidi ma?

²¹Temeshipur tanela anema parnoki külemi senteper, aser tai makaba zü tokshir,

²²Saka KIBUBA kü mitsa takang, aser kü KIBUBA kü jenokdak lung.

²³Aser pai parnok madak parnok pei menen yari meyipa agütsüogo. Aser parnok pei menen meji samatsüogo. Ozü Tsüngrem KIBUBAi parnok samatsütsü.