Read njo TENÜNGSANG KEN 96 Bible Online

TENÜNGSANG KEN 96 - njo bible

TENÜNGSANG KEN 96

¹Oh, KIBUBA dang ken tasen ka tenlokjang; alima ajaki KIBUBA dang tenang.

²KIBUBA dang tenang, pa nüng moajang. Anogo shia pa tekümtet indang shiang.

³Kin rongnung pa sentsüwangshi, nübur ajak rongnung pa tesüngmangtsü mapatem sangdongang.

⁴Kechiaser KIBUBAji tulu lir, aser kanga asangtsü tim. Tsüngrem ajak madak pa akhümtsübutsüla.

⁵Kechiaser tangar kin tsüngremtem ajak süngyanglu dang. Saka KIBUBAi anüngtemji yanglu.

⁶Khonang aser tamarenba pa tsüngdang lir. Tekülemdakji tashi ita aser tobur junga lir.

⁷Alima nung alir kin ajak, KIBUBA nem agüjang, KIBUBA nem sentsüwangshi aser tashi agüjang.

⁸KIBUBA nem sentsüwangshi pa tenüng dak langa agüjang. Tenla ka benang aser pa talidaki arung.

⁹ Oh KIBUBAji temeshi sobutsü sobur külemang. Alima ajak, pa tsüngdang atentenang.

¹⁰Kin rongnung shiang, “KIBUBAi chubar; alimaji marakzütsüsa yanglua lir. Pai ochi agi kintem o bendangtsü.”

¹¹Anüngtem peladakjang, aser alimaji peladakjang; tzüyim aser idakji aliba ajak arrdakjang.

¹²Moapu aser angji aliba ajak pelatepang. Idangji arem nung süngdong ajaki tepela agi,

¹³KIBUBA madang atentsü, kechiaser pa arur; alima o bendangtsü pa arur. Pai temeshi agi alima aser pa ochiba agi kintem o bendangtsü.