Read njo APIJEMTSÜ SHIN 7 Bible Online

APIJEMTSÜ SHIN 7 - njo bible

APIJEMTSÜ SHIN 7

¹Kü chir, kü o benshiang; aser ni ne dang melabatem rizünga yuang.

²Ni melabatem benshiang aser taküm liang; aser kü ozüng ne nükjang ama yuang.

³Itemji ne temeyong nung mesülokang. Itemji ne mulung lungpak nung züluokang.

⁴Tashitemetet dang shiang, “Na küyi;” aser tengujemba dang na kü ilangtsür ta ja-ang.

⁵Sürabang itemjagi samesa tetsür nungi, o tanep jembir bendangtsür nungi na sottsü.

⁶Kechiyong ozü ki kichiba takbangba ajanga ni reprang;

⁷aser ni tongmelanger rongnung reprang, lanurtem rongnungi, asangur ka tangatetba nung anünga ni ajitet.

⁸Pai yimtongji ajanga, tetsürla kinüklen anasa süi.

⁹Aser nikongtsütsü mangsema nung, aser aonung tammang nung, pai lar ki leni ao.

¹⁰Aser ajiang, nüktapangtala sobutsü sobur, tesangra mulungjang tener, tetsür kati pa ajuru.

¹¹La tejepjep aser tenarong maket; lai la tsüng lar kidang mayur.

¹²La tang yimtong nung, tang watidak, aser kinük ajak nung lai atar.

¹³Lai pa apur aser pa dak tebang meseper, aser tejak melema lai pa dang ashir;

¹⁴“Ni tenla agütsütsüsa aküm; aser tanü ni tezüngzükba agütsüogo.

¹⁵Anungji ni ne den ajuruteptsü, nendaka ne tejak bushitsü aru, aser ni na nguogo.

¹⁶Ijip raburasa ang sü den, ayak aketba temelem sü, kü yipten manung lema lir.

¹⁷Teronem menemba liangmesen aser teronem menemba süng, aser süngshi totzü agi ni kü yipten nung rükshiogo.

¹⁸Arung, anepdang tashi asenok temeim agi süngdaktsüdi; temeim agi asenok süneptepdi.

¹⁹Kechiyong kübuba kidang mali; pa aen talangi ogo;

²⁰Pai pa den sen juli ka aben; pa anümeyi nung ang kidangi shilangtsü.”

²¹La o tanang agi lai pa hai-haura kadaktsü, la o tanep jembiba agi, lai pa kangok.

²²Idangji tetepsetdaki nashi pungchi ka aor ama, mesüra kar tamachir metongshidaki merangsen agi alener aor ama, pai la sülen ao.

²³Pa temesen ateta lijak jangi maka tashi, ozüi la taküm agitsü memeteti sang leni ariteper ama, pai la sülen aor; Aji agi pa taküm akhangtsü ta pai memetet.

²⁴Anungji tang kü chirtem, kü dang angang, aser kü bang otem nung temulung agüjang.

²⁵Ne mulungjang la lenmang leni tuodaktsü. La lenmang nung mashileni tuo.

²⁶Kechiyong lai aika yirua laodaktsüogo. Hau, lai tepsetba ajak, temeranger telok ka,

²⁷lar kiji molumi leni aluba lenmang, tasüba taktangi lua lir.