Read njo SAYUTSÜNGIR 6 Bible Online

SAYUTSÜNGIR 6 - njo bible

SAYUTSÜNGIR 6

¹Anüng kübok ni tamajung ka angur, aser aji meimchir madak taret lir;

²nisung ka nem Tsüngremi rongsen, takaba aser tetushi agütsü, oda pa taginütsü kecha agia manüngtsü, aji saka pai aji achitsü Tsüngremi ain magütsü, saka aener kati aji achir, ibai amajok; aser ya tashitak tamajung ka lir.

³Nisung kati techir noklang ka soaka, aser küm aika pa arishi talangka saka, pai taküm jangratemtsü mungura, aser talisa pa taremdak mekara, ni ashir, pa dang nungi mapang matongdang tanur asobaji tajungba.

⁴Kechiaser ibai amajok akümer aser tammangdaki pilar, aser iba tenüngji tammang nung nembanga lir.

⁵Idakji jia, iba jagi anüji mangu mesüra kecha memetet; saka pa dang nungjagi ibai anisüngzük taliba.

⁶Hau, pa küm meyi anasü liaka aser tajung mungura ajak tesem kati dang maor ama?

⁷Nisungi inyakba ajak pei tebang asoshi, aji saka pa tepok masünger.

⁸Shisa makar dang tali shisa akartem kechi agi tajungba? Mesüra akümlir rongnung jajatsü shiba sensaker kechi aka?

⁹Aginüa jangraba dang nungi tenük agi danga angubaji tajungba; ibaia amajok aser mopung sülen merangba dang.

¹⁰Kechisa küma aruogo, tenüng jatsüogo, aser nisungji kechi aji temetet dang, aser pa dang tesashiba den pai majettsü.

¹¹O tali jembili amajok tali kümli ta, aser kechi agi nisung tajungba?

¹²Kechiyong pa amajok taküm arishi tatsü akhüm ka ama süia aodang nisung asoshi pei taküm nung kechi tajung aji shibai metet? Kechiaser anüng kübok pa shilem kechi asütsüar shibai shitet?