Read njo SOLOMON KEN 2 Bible Online

SOLOMON KEN 2 - njo bible

SOLOMON KEN 2

¹Ni Sharon labu naro, lenten labu naro ka,

²Ai rongnung labu naro ka ama, yamaji aiür rongnung kü temeim lir.

³Min süngdong rongnung metoklashi dong ama, yamaji asangur rongnung kü meimba lir. Tepela tulu agi ni pa akhüm nung amen. Aser pa süngjang kü bang dang junga liasü.

⁴Pai ni benjong ki dangi anir aru, aser kü madak pa nisan temeim liasü.

⁵Tsükmenatzü amtsük agi ni sota yuang, metoklashi agi ni anisüngzükdakjang, kechiaser ni temeim agi lular.

⁶Aia, pa tabelen teka kü kolak kübok, aser pa teka tajichi kü dak azüita lilasang!

⁷Oh, Yirusalem jalatem, arem nung shio tsüla mesüra mesü lamen atemer shidi, nenoki pa pela-a maküm tashi temeim tarimeso mesüra tesakdaktsü.

⁸Kü meimba ola! Ajiang, tenem manung pungtena, tenem tokong manung joktena, pa arur.

⁹Kü meimba mesü ama, mesüra shitsü pungtu ka ama lir. Ajiang, yangji ozü jara sülen pa noktaker, pai kichibalen repranga yoker, Ozükirang ajanga pa sasa pai sayur.

¹⁰Kü meimbai jembir aser kü dang ashir; “Shishiang, kü temeim, kü tobur ajungla, aser aruadokang,

¹¹kechiyong angang, tsüngkhüm süiogo, tzünglu anenogo, aser ogo.

¹²Alima nung narotem adoker, ozü ken atenba mapang arua lir, aser asen lima nung posü asaba ola angashir.

¹³Munguzünu dongi munguzünu atanger, aser tsükmenatzütem teben punga lir. Parnoki tesanem yoker, shishiang, kü temeim, kü tobur tajung, aser aruadokang.

¹⁴Oh kü guduru, lung jakma pok nung, lungbang kübok nung kü nem ne tejak ngudakjang, kü nem ne ola angashidakjang. Kechiyong ne ola tanang, aser ne tejak tajinütsüka.

¹⁵Anati shirongtem pudi, tsükmenatzü lu raksatsüba shirong tilatem. Kechiyong asen tsükmenatzü lu teben punga lir.”

¹⁶Kü meimba kü meyong, aser ni pa meyong lir, pai pa san telok labu naro rongnung chiyimdaktsür.

¹⁷Anepdang temokong mesüitem tashi, akhüm mesüitem tashi. Aia, kü dangi meyipang, kü temeimba, aser wabetsa nung mesü ka ama, mesüra shitsü pungtu chanu ama asaya-ang!