Read njo SOLOMON KEN 6 Bible Online

SOLOMON KEN 6 - njo bible

SOLOMON KEN 6

¹Ne meimba koleni oadok, Oh na tetsür rongnung tajungtila? Ne den pa tebushi-i asenok aotsüsa.

²Kü meimba par atsüki tesanem menemdaki, atsüki nung chiyimdaktsütsü aser labu naro apettsü lua lir.

³Ni kü meimba meyong, aser kü meimba kü meyong; Pai pei san telok labu naro rongnung chiyimdaktsür.

⁴Oh kü meimla, na Tirza ama tobur tajung, Yirusalem ama ajungla, nisan abenba temeranger telok ama tetsübutsü.

⁵Kü dak nungi ne tenük meyipadokang, kechiyong parnoki ni ajemdaktsür. Ne ku nabong telok ka Gilead tenem, wabetsa nung aliba mesüka lir.

⁶Ne tepu san tetsü chigudak nungi adoka aliba mesük. Parnok shia jakrep mepur, aser parnok rongnung kata tasüba mali.

⁷Ne tenibung ne temeyiba sü, kübok jarem jang ka mesüka lir.

⁸Chubatsür roker, aser tezüngatsü lir-anasü, aser aiür mezüngdangtet lir.

⁹Kü guduru, kü tabensala,ka dang lir. Tetsür nungi la dang lir; la asola teshimtetlaji la lir. Jalatemi la angu aser la dang temoatsü ta aja; hau, chubatsürtem aser tezüngatsütemi, aser parnoki la asang.

¹⁰Anepdang ama repranga yokba ita ama tobur tajung anü ama tejangja, nisan abenba temeranger telok ka mesüka tetsübutsü ya shiba?

¹¹Lenten nung amak amaka aliba tsükmenatzü temechi adok madok reprangtsü, jarem naro apung mapung reprangtsü. Ni süngjang tsüki bushia alu.

¹²Ni memeteti alidang, kü nelai kü mulungba nübur, talungtsü nung ni mendaktsü.

¹³Meyipang, meyipang, Oh Shulam nunger; onoki ne dak reprangtsüsa meyipang, meyipang. Mahanaim tsüngsangba dak reprangba ama, kechiba nenoki Shulam nunger dak reprangtsü?