Read njo ISAIA 17 Bible Online

ISAIA 17 - njo bible

ISAIA 17

¹ Damaska indang shin: “Ajiang, Damaska yimti ka melidaktsütsü, aji teraksa nangtenba ka dang asütsü.

²Aroer yimtitem jentokadokogo; itemji san telok asoshi alitsü, parnok mejanga alitsü, aser shingai parnok metsübudaktsütsü.

³Ano Efraim nung mitsa makatsü, Damaska nungi chuba yimli, aser Siria nung tanüngbatem samatsü, parnok Israel chirtem sentsüwangshiba ama alitsü, ta Temeranger Telok KIBUBAi ashir.

⁴Iba anogo nung ya ataloktsü, oda Yakob sentsüwangshi rema kümdaktsütsü, aser pa shi temo apua akümtsü.

⁵Aji alurur nisungi noktaka aliba tsük benden dang ama, aser tepen agi tsükjong ruzükba ama, Refaim lenten nungi nisungi tsükjong shitenba ama alitsü;

⁶mesüra kodang oliv süngdong nungi ongdir, temenushitsü iba nungtoktsüba ama, korishi kongsang talangtiba nung ana mesüra asem ama, kongsang talak nung pezü mesüra pungu aliba ama,” ta KIBUBA Israel Tsüngremi ashir.

⁷Iba anogo nungi Teyanglur dak reprangtsü, aser pa tenük agi Israel Temeshisang dak akhüm tsübu sayutsü.

⁸Joko pai pei teka agi yangluba mapa, tenladak mereprangtsü, mesüra pa pei temeyong agi yangluba Asherim, mesüra anü-süngyanglu dang akhüm tsübuba malitsü.

⁹Iba anogo nung parnok yimti tashi taittemji, Israel chirtem madang Amor aser Hiv nungeri toktsür aoba kü yimtitem mesüka, nenok yimtitem senzüka toktsütsü.

¹⁰Kechiyong nai ne tekümtet Tsüngrem, aser ne jenokdak Lung indang temulung nung mebilem, anungji nenoki jangratemtsü atsükitem[7] yangluaka, aser bendanger tsüngrem asoshi rizüngaka,

¹¹itemji nai tsünüba anogo nung nai atsübanga yuaka; anepdang ne metsüji meia liaka, aji saka shisa amsaba aser tejashi tulu anogo nung aluruba makai akümtsü.

¹²Ah! Nisung jenti arrtepba, tzüyim arrtepba ola ama aruba, aser tzü tulu sashia ayimba ola ama kintem oshishia senzür!

¹³Tzü jenti sashia ayimba ama kintem oshishia senzüteptsü; saka pai parnok arütsütsü, aser parnok talangkati jena aotsü, tenem nung mopung madang tsüksü ama, aser yipru madang auyi pungshidaktsüba ama aridoktsü.

¹⁴Ajiang! Nikongdang tetsübutsü; aser anepdang matongdang itemji malir. Shirnoki asenok dak nungi makzüka agir parnok shilem, aser asenok dak nungi rakzükraktemertem tia ibai lir.