Read njo ISAIA 20 Bible Online

ISAIA 20 - njo bible

ISAIA 20

¹Asiria chuba Sargoni walunir tulutiba yoka, Ashdodi pa aruba küm nung, pai Ashdod anema rara aser aji agi.

²Iba mapang Amoz jabaso Isaia den KIBUBAi jembia ashi, “Oang aser ne teperem nungi anemsü salazükang, aser ne tsüng nungi tsüngsem semzükang;” aser pai yamaji inyak, aser mangsa aser tetsüng tesa jaja.

³KIBUBAi ashi, “Ijip aser Ethiopia anema temaitsü aser sayatenya asütsü asoshi kü tenzüker Isaia küm asem mangsa aser tetsüng tesa jajaba ama mesüka,

⁴yamaji Asiria chubai Ijip nunger tepuokertem, aser Ethiopia nunger aridoka alirtem, tanur aser tain, mangsa aser tetsüng tesa, telungpo tesa, Ijip maksütsüsa anir aotsü.

⁵Ethopia teimla aser Ijip sentsüwangshiba yong parnok aoksa-a bangkatsü aser akseta alitsü.

⁶Tzüküm nung aliba nisungtemi iba anogo nung ashitsü, ‘Ajiang! Shirnok dak asenoki teimla ayu, aser shirnok dangi asenoki Asiria chuba nungi kümzüktsü bushia ao, parnok dak kechi atalok! Aser asenokbo kodaser jenbutsü?’ ”