Read njo ISAIA 31 Bible Online

ISAIA 31 - njo bible

ISAIA 31

¹Shirnoki teyari bushia Ijipi alur aser kor dak teimla akar, parnok asoshi aiatai; aika asübayong parnoki talungtsütem dak, kor temeranger jenti alibayong item dak tamang akar; saka Israel Temeshiba dang mereprang, mesüra KIBUBA dang masüngdang!

²Aji saka pa shisa takar lir, aser tamajung bena arutsür, aser pei o meyipa magir. Shirnoki tamajung inyaker, parnok anema aser shirnoki tai temenen mapa inyaker, parnok yarirtem anema apusotsü.

³Tang Ijip nunger Tsüngrem masü nisung lir; aser parnok kor tanela masü shi lir. Anungji kodang KIBUBAi pei teka songtokdir, teyarir metsüdaktsü aser teyari agir laotsü; parnok ajak külemi samatsü.

⁴Kechiyong KIBUBAi kü dang yamai ashir. “Molusongzüi mesüra molusongzü pungtui pei tetepsetba shiruru madak arrürba ama lir, sannüker telok pa anema jatenaka, parnoki ayimtenba nung maoksar, mesüra kecha parnok ola nung temulung magütsür, yamaji Temeranger Telok KIBUBAi Zion tenem anema aser ungsem anema raratsü alutsü.

⁵Akhümbanga yimzüba ozütem ama, yamaji Temeranger Telok KIBUBAi Yirusalem kümzüktsü, pai noktangtsü aser aji kümzüktsü, pai süia odaktsütsü aser wazüka yutsütsü.”

⁶Oh Israel chirtem, shiba bangdak anema nenoki kanga sashia apusoa lir, pa dangi nenoki meyipang.

⁷Kechiyong iba anogo nung parnok nisung shia pei taribi süngyanglu, aser hon süngyanglu koba nenok teka agi temenen asoshi nenok asoshi yanglu, nenoki endoktsü.

⁸Idangji Asiria nok agi laotsü, nisungi masü, nisungi masü nok agi pa meyoktsü. Nok nungi pa ajentsü, aser par asangurtem alar kümdaktsütsü.

⁹Tetsübu agi pa lung paizüka oadoktsü, taoksa agi tanishirtemi nisan toktsür aotsü. KIBUBA shiba mi Zion nung lir, aser shiba misem Yirusalem nung lir, ibai pa o lir.