Read njo ISAIA 39 Bible Online

ISAIA 39 - njo bible

ISAIA 39

¹Iba mapang Baladan chir Babilon chuba Merodak Baladani Hezekia dangi shiti aser sempet yok; kechiyong pa shiranga aliba anebogo ta pai angashi.

²Aser Hezekiai parnok dang par senti osettem, taribi, hon, teronem menemtsü, senti totzü, pa senti sobutsü ki, aser par terizüngdak akaba ajak sayu. Hezekiai parnok dang mesayuba kecha par kidang, aser par yimli ajak nung maliasü.

³Idangji Isaia ainkar Hezekia chuba dangi aru aser pa dang ashi, “Item nisungi kechi ashi? Aser parnok kong nungi ne dangi aru?” Hezekiai ashi, “Parnok alima talang, Babilon nungi kü dangi aru”

⁴Hezekiai langzü, “Kü kidang aliba ajak parnoki nguogo, ni parnok dang mesayuba kü terizüngdak kecha mali.”

⁵Idangji Isaiai Hezekia dang ashi, “Temeranger Telok KIBUBA O angang.

⁶Ajiang, ner kidang aliba ajak, aser ne tsüraburtemi tanü tashi terizüngdak yuja aliba ajak Babiloni bener aotsü anogo arudagi. Kecha anünga meyutsütsü, ta KIBUBAi ashir.

⁷Aser ne dak nungi adokba jabasotem, koba ne dak jakzük, parnok anir oadoktsü; aser Babilon chuba kidang parnok teyangluba nisung kümdaktsütsü.”

⁸Idangji Hezekiai Isaia dang ashi, “Nai jembiba KIBUBA O tajung lir. Kechiyong kü mapang nung yimjung aser tekümzük alitsü ta pai bilem.”