Read njo LEVI 10 Bible Online

LEVI 10 - njo bible

LEVI 10

¹Aron jabaso Nadab aser Abihu nati pai miteptsü bena arua iba manung mi aser liangmesen enoker KIBUBA nem agütsü. Saka iba miji temeshi masü, kechiaser KIBUBAi yamai inyaktsü parnok dang memela.

²Anungji KIBUBA madang nungi mi adoka parnok idakji KIBUBA madang mi jagi rongset.

³Idangji Mosai Aron dang ashi, “KIBUBAi ashibaji ya lir, shirnokisa ni tenzüker parnok ajaki kü temeshiba akhüm tsübutsüla; ni kü sentsüwangshi kü nübur dang jungkai adoka sayutsü.” Saka Aroni ola madoki ali.

⁴Mosai Aron tebu tambu Uzziel jabasotem Mishael aser Elsafan aja, aser parnok dang ashi, “Yagi arua nenok adianutemji temeshi tenladak nungi bener tanendak kimai bener oang.”

⁵Anungji parnoki Mosai melaba ama tasü mang süoshi nungji amer tanendak kimaleni bener ao.

⁶Idangji Mosai Aron aser pa jabasotem: Eleazar aser Ithamar dang ashi, “Nenok mangyimba mesayutsü asoshi nenok ku memesüi teli, mesüra nenok süoshi teshisa. Nenoki yamaji inyakra nenok asütsü, aser nübur ajak madak KIBUBAi ain adoka alitsü. Saka Israel nunger ajongai KIBUBAi mi yoka parnok südaktsüba asoshi mang yimdakjang.

⁷Süki kiküm nungi nenok metugutsüla, mesüra nenok asütsü, kechiaser KIBUBA totzü mezütsüba agi nenok meshiteta lir.” Anungji Mosai ashiba ama parnoki inyak.

⁸KIBUBAi Mosa dang ashi,

⁹“Na aser ne jabasotem yi mesüra mejemtzü jemer sentep süki-i maitsüla, yamaji inyakra nenok asütsü. Ibai putu ajak nung nenok atema ozüng alitsü.

¹⁰Nenoki temeshi o memeshiba tsüngda nung, aser temerük o memerük tsüngda nung balala metettsüla.

¹¹KIBUBAi Mosa ajanga agütsüba ozüngji nenok Israel nunger ajak dang sayutsüla”

¹² Mosai Aron aser par jabaso tanüngba ana Eleazar aser Ithamar dang ashi, “KIBUBA dang tenlaba chiyungtsü tenla tanüngbaji piyazü meinoki yanglur tenladak anasa chiang; kechiaser iba tenlaji kanga temeshi lir.

¹³Temeshidak aji chiang; kechiaser KIBUBA nem agütsüba tenla nungi na aser ner jabasotem shilemji lir. Aji KIBUBAi kü dang melabaji lir.

¹⁴ Saka na aser ner kibong asoshi KIBUBA dang temulunger tenla aser putir asoshi koba tenla balaka agütsü, mamalong aser tepi, aji nenoki achitsüla. Itemji temeshidak tesem ka nung nenoki achitsüla. Ibai na aser ner chirtem asoshi telungjem tenla nüngu agütsübaji lir.

¹⁵Tetenlaba tepi aser tayipshiba mamalongji, mi agi tenlaba temo den parnoki KIBUBA madang tayipshiba tenla asoshi ayipshitsü bener arutsüla. KIBUBAi melaba ama na aser ner chirtem asoshi teti shilem alitsü.”

¹⁶Mosai temenen tenla asoshi nabongji bushi, saka aji rongtoker liasü. Anungji Aron jabaso Eleazar aser Ithamar dang pa kanga ain adoka ashi,

¹⁷ “Kechiba nenoki temenen tenlaji temeshidak machi? Ibai kanga temeshi lir, aser nüburtem temenen pungitsü atema KIBUBAi ya nenok nem agütsü.

¹⁸Ni melaba ama nenoki iba azüji tenladaki bener mait nung nenoki aji kimalen achitsü tim liasü.”

¹⁹Aroni Mosa dang langzü, “Tanü nisungtemi parnok temenen tenla aser tarongba tenla KIBUBA dangi bener arubaji ni chir ali asünunga KIBUBAi aji agizükdi ma?”

²⁰Kodang Mosai aji angashi, pa mulung chia liasü.