Read njo YERIMIA 21 Bible Online

YERIMIA 21 - njo bible

YERIMIA 21

¹Ya KIBUBA nungi Yerimia dangi aruba O, kodang Zedekia chubai pa dangi Malkia chir Pashur aser Maaseia chir putir Zefania yoka ashi,

²“Onok asoshi KIBUBA dang asüngdangang, kechiyong Babilon chuba Nebukadnezzari onok anema raradar; ashiko KIBUBAi pa tesüngmangtsü mapa ajak amato onok dang benshitsü, aser onok nungi pa shia odaktsütsü.”

³Idangji Yerimiai parnok dang ashi, Zedekia dang nenoki yamai shiang;

⁴Israel Tsüngrem KIBUBAi yamai ashir, “Ajiang, rara nok o nü koba nenok ket nung ali aser koba agi Babilon chuba aser Kaldi nunger atsü temalen lungbangertem anema rarar, itemji ni meyipdaktsütsü; aser ni parnok iba yimti tiyongi anitentsü.

⁵Ni kü sasa nenok anema teka songtoka aser tashi tait tepen agi ain adokba nung, aser mit nung aser terasaba tulu nung raratsü.

⁶Aser iba yimti alir nisung aser shiruru anaprong dak kongshitsü, parnok wara tulu agi asütsü.

⁷KIBUBAi ashir, tesülenbo Yihuda chuba Zedekia, pa kilirtem, aser iba yimti nüburtem shirnok wara, nok, aser ayawara nungi jenteta ali, Babilon chuba Nebukadnezzar ket nung, aser par tsükchir ket nung, aser shiri parnok taküm bushir, parnok nem bendanga agütsütsü; pai parnok nok nokpu agi lepsettsü, pai parnok maochitsü mesüra mapayutsü, mesüra aria mebilemtsü.”

⁸Iba nübur dang nai shiang, KIBUBAi yamai ashir, “Ajiang, ni nenok madang taküm lenmang aser tasü lenmang toktsür.

⁹Iba yimti nung shiba lidir nok agi, aya agi, aser wara agi asütsü; saka shiba tugudir aser nenok lungbanger Kaldi nunger nem bendanga agütsüdir taküm alitsü aser pa takümji pa tongbang sempet ka ama alitsü.

¹⁰Kechiyong iba yimti anema tajung masü tamajung ni mulungteta lir, ta KIBUBAi ashir: aji Babilon chuba ket nung agütsütsü, aser aji pai mi agi rongtoktsü.”

¹¹Yihuda chuba kidong dang shiang, KIBUBA O angang,

¹²Oh Dawid kidong! KIBUBAi yamai ashir, Anepdang ochi inyakang, aser shiba dak rakzükraktem pa tekangshir ket nungi kümzükang, aji mesüra kü terasaba mi ama aor, aser shingai meremseptsüsa jangrutsü, kechiyong nenoki tamajung inyak.

¹³Ajiang, ni nenok anema lir. Oh lenten alirtem, Oh wabetsa lung, ta KIBUBAi ashir; nenok shiri ashir, onok anema shiba alutsü, mesüra onok alidaki shiba aittsü?

¹⁴Nenoki inyakba tajangzük yari ni nenok merenshitsü ta KIBUBAi ashir; par arem nung ni mi senoktsütsü aser aji agi pa temeket ajak meyoktsü.