Read njo AIATAI 2 Bible Online

AIATAI 2 - njo bible

AIATAI 2

¹KIBUBAi pa ain adokdang, mepet agi koda Zion jala nembanga toktsü! Anüng nungi ali tonga, pai Israel tobur ajungba ludaktsü; pa ain adokba anogo nung, pai pa tetsüng ajemetdak mebilemtet.

²Yakob talidak ajak, KIBUBAi taochi makai samatsüogo. Pa terasaba nung Yihuda jala mitsatem laodaktsüogo. Ali tonga yimli aser iba yimsüsürtem, maksü nung pai ludaktsüogo.

³Pai mit adoka Israel tashi tulu ajak, pai lepzüka yokogo. Tsükchirtem jakdang pai pei teka tajichi, parnok nungi meyipa agienogo. Jangrua aliba mi ama Yakob rongrepogo. Temeket ajak menakrepa rongogo.

⁴Tsükchir ka mesüka pai lijak azüa aru, anemer ka ama teka tajichi renema pai noktak, aser tenüki ajinüba ajak tepsetogo; Zion jala süki nung pai pa mit mi ama shiloktsüogo.

⁵KIBUBA tsükchir ka amai kümogo, Pai Israel raksatsüogo. Pai la chuba ki ajak raksatsüogo. Pai la mitsatem raksatsüogo. Aser Yihuda jalatem dak pai mangyimba, aser ajepba tali kümdaktsüogo.

⁶Atsüki ka amai, pai pa semtu bensatsüogo; pa sentep ki pai raksatsüogo; Zion nung telatet benjong, aser amungnü KIBUBAi anendaktsüogo, aser pa tetsübutsü ain adokba nung, chuba aser putir sensamasaogo.

⁷KIBUBAi pa tenladak jentokadokogo. Pai pa temeshidak sentokogo, lar jaratem pai tsükchir ket nung agüjadokogo; KIBUBA kidang temeshi benjong nü ama, rongrongba ola adoka liasü.

⁸Zion jala jaraji raksatsütsü, KIBUBAi mulungtetogo; Pai lisü mesangogo. Raksatsütsü aliba nungi pa teka atsüa maru. Mitsa telung aser jarai mangyimtsüsa pai kümdaktsü, parnok külemi raksaogo.

⁹Lar süngkhüm ali telungi luogo. Pai lar süngkhümrürtsü samatsü aser raksatsüogo. Lar chuba aser lar tongtipurtemji, Ozüng makaba kin rongnung lir. Hau, lar ainkartemi KIBUBA nungi mangdang mangur.

¹⁰Zion jala tamburtem ali nung amener, parnok ola madoki lir; parnoki pei kolak nung auyi palokogo; parnok pei sasa anem sü agi nangri kangogo; Yirusalem aiürtemi taak agi tekolak mechioka lir.

¹¹Kü tenük nüktzü atsünger, kü mulung pesaprunga lir; kü nübur jala teraksa atema kü mulungjang ali-i tsüka lir. Kechiaser tilatem aser mama yongertem, yimti nung süjia oa lir.

¹²Teyiruba nisung ama yimti yimdong nung, parnok lula-a aodang, parnok taküm tetsü teku nung metaloka alidang, tetsü nunger dang parnoki ashir, “Chi aser yi kong ali?”

¹³Oh Yirusalem jala, na atema ni kechi ashitsü? Na kechi den ni medemdangtsü? Oh Zion tasüngtet jala, na süneptsütsü, ni na kechi den medemdangtsü? Kechiyong tzüyim ama ne teraksa tulu lir; shibai na anebtsütettsü?

¹⁴Ne ainkartemi na asoshi tiyazü aser tamagitsü mangdang nguogo. Ne tia yanglushitsüsa, parnoki ne tai menaba jungkai madoktsü, saka na asoshi tiyazü aser mashilen, mangdangang nguogo.

¹⁵Lenmang nung senzür ajaki ne dak teka maloktsür; Yirusalem jala dak parnoki atala-a tekolak angümloktsü, aser ashir, “Temjena tobur ajungba, aser alima ajak asoshi tepela yimti ta, nisungi ajaba yimtiji ya na?”

¹⁶Ne tsükchir ajaki na anema sensatsür. Parnoki atalatsür aser tepu shiteper. Parnoki shir, “Onoki la meyokadokogo; aia, ibai onoki yongyaba anogo to lir, tatem nung onoki ya nguogo!”

¹⁷KIBUBAi pa sentong amato inyakogo. Alemli pai melaba amato pa o ataloktsüogo. Pai taochi makai ajungzüka yokogo; aser ne madak tsükchirtem pai peladaktsüogo. Na anemertem tashi pai ajungkettsüogo.

¹⁸Parnok mulungjangi KIBUBA dangi ayimten; Oh Zion jala jara, ayong ama mangli sangwali nüktzü yimdakjang. Ne sasa süngjema teli, ne tenük anisüngzüka telidaktsü.

¹⁹Aramesoang, mitba mapang tetenzüklen, Aonung ayimtenang! KIBUBA tsüngdang ne mulungjang, tzü ama shizüka yokang! Ne chirtem taküm asoshi, yimdong shia lenjem nung, taya agi lumia alir asoshi, ne teka pa dangi mekangang.

²⁰Reprangang, Oh KIBUBA, shiba dang nai yamai inyak ajiang; tetsürtemi parnok nungi sozükba, parnoki anebalua yariba chidi ma? Mesüra, putir aser ainkar, KIBUBA temeshidak tepsetdi ma?

²¹Yimdong auyi nung tanur tain mepitaka lir. Kü aiürtem aser kü asangurtem nok agi laoa lir. Na ain adokba anogo nung taochi, makai nai parnok tepset.

²²Temeshi benjongnü ama, kü tetsübutsü ajaklen nungi nai jatep; aser KIBUBA ain adokba anogo nung, shinga mejentet mesüra manüng; shirnok ni yaria mesütet kü tsükchirtemi samatsü.