Read njo EZEKIEL 40 Bible Online

EZEKIEL 40 - njo bible

EZEKIEL 40

¹Onok bendang lima nung tepuokba tia nung aliba küm metsür pungububa küm tetenzükba ita anogo terbuba, yimti makbanger küm terpezübuba nung iba anogo kasa nung KIBUBA teka kü dak liasü, aser pai ni ajagi bener aru.

² Tsüngremi mangdang nung pai ni Israel limai bener aru, aser tenem kanga talangka nung ni yutsü, koba manung anüolentiplen yimti ka yangluba amai ka liasü.

³ Aser pai ni ajagi anir aru, aser ajiang, yangji nisung ka yongmenyin tereprangtsü amai, pa ket nung anem lisü ka, aser tasadangba tzütok ka amer angu; aser pa süngkhüm nung noktak.

⁴Nisung jagi kü dang ashi, “Nisung chir, ne tenük agi ajiang, aser ne narong agi angashiang, aser ni ne dang sayuba ajak nung ne mulungjang yuang; kechiaser itemi ni ne dang sayutsü asoshi na yagi bener aru; nai anguba ajak Israel kidong dang metetdakjang.”

⁵ Tang kimalen ki meketa jara ka, aser nisung ket nung tasadangba ajok ka süklep trok talang aser süklep ka aser ka ka shia nung te kapu ka lema alibaji ajiang; anungji pai ki temelemji asadangba nung ajok ka, aser talang atuba nung ajok ka liasü.

⁶Idangji pai anüdoklen aliba süngkhüm jagi aru, aser ajagi jenjangi atu; aser pai süngkhüm motsüngnemji asadang nung ajok ka liasü; aser tanga motsüngnemji lenten nung ajok ka liasü.

⁷Aser tanüker taktang shiaji ajok ka talang, aser lenten nung ajok ka, aser tanüker taktang tsüngda nung süklep pungu liasü; aser ki tsütsülenji süngkhüm kilempok anasa süngkhüm motsüngnemji ajok ka liasü.

⁸Ano ki tsütsülenji pai asadangba süngkhüm kilempokji, ajok ka liasü.

⁹Idangji pai süngkhüm kilempokji asadang nung, süklep ti liasü: aser iba tongnütemji, süklep ana; aser süngkhüm kilempokji ki tsütsü liasü.

¹⁰Aser tanüker taktang süngkhümji anüdoklen ileni asem aser ilenji asem liasü, aser item asemprong tasazük kasa liasü; aser tongshitemji ilen tsütsü aser külen tsütsü tasazük kasa liasü.

¹¹Aser süngkhüm telapokba lentenji pai asadangba, süklep ter liasü; aser süngkhüm metongji, süklep terasem liasü.

¹²Aser tanüker taktang jakdang tatembangji ilen tsütsü süklep ka, aser tatembang külenjia süklep ka, aser tanüker taktangji ilen tsütsü süklep trok, aser külen tsütsü süklep trok.

¹³Aser tanüker taktang külen nungi külen tashiji pai asadangba nung, lenten süklep metsür pungu jara ka nungi jara ka tashi nung liasü.

¹⁴Ano pai tongshi süklep roker yanglu; aser süngkhümji meketa taktang jagi tongshiji tonga liasü.

¹⁵Süngkhüm tejaklen kimalen nungi telunglen süngkhüm tejaklen tashi süklep tenem liasü.

¹⁶Aser süngkhüm telunglen meketa, tanüker taktang tonga, aser tongnütemji tonga teshibangba kichibatem liasü, aser yamaji tongshi tonga liasü; aser telunglen meketa kichiba liasü; aser tongnü shia nungji asang dong liasü.

¹⁷Ajiser pai ni kima taktangi anir aru, aser taktang meketa langbang liasü, iba alaba manung taktang semer liasü.

¹⁸Süngkhüm tezülen anasa talabaji liasü, aser itemji koda talang liasü papigaji lenten liasü, ibai teküboklen alaba liasü.

¹⁹Aser temaba kiküm jakdang telunglen nungi telungba taktang jakdang temalen tashi pai lenten asadangba, süklep noklang ka, anaprong anüdoklen aser anüdoklentip nung liasü.

²⁰Pai ni anüdoklentip tsütsü aliba kima taktang jagi anir aru, aser pai iba metong aser lenten asadang.

²¹Aser tanüker taktangji ileni asem aser külenji asem liasü; aser iba tongnü aser tongshitem mezüngbuba kiküm tasazük den kasa liasü: iba metongji süklep tenem, aser lenten nung süklep metsür pungu liasü.

²²Iba kichibatem, iba tongshitem, aser asang süngdongtemji anüdoklen süngkhüm tasazük den kasa liasü; aser parnok ajagi jenjang tenet atu; aser tongshitem parnok jakdang liasü.

²³Telungba taktang leni aitsü tanga süngkhüm tejaklen süngkhüm ka liasü, anüdoklentip aser anüdoklen tsütsü anaprong liasü, aser süngkhüm nungi süngkhüm tashi pai asadangba süklep noklang ka liasü.

²⁴Ano pai anüolentip tsütsüi ni anir ao, aser anüolentip shir süngkhüm ka liasü; aser pai iba tongnü aser iba tongshitem asadang nung item denji kasa liasü.

²⁵Aser item kichibatem amajisa yangji kichibatem iba nung aser iba tongshitem meketa liasü; metong süklep tenem, aser lenten nung süklep metsür pungu liasü.

²⁶Aser ajagi atutsü jenjang tenet liasü, aser parnok jakdang tongshi liasü; aser iba tongnü dak asangdongtem ilen tsütsü ka aser külen tsütsü ka liasü.

²⁷Aser anüolentip tsütsü taktang telungbalen süngkhüm ka liasü aser süngkhüm nungi süngkhüm tashi anüolentip tsütsü pai asadangba nung süklep noklang ka liasü.

²⁸Idangji anüolentip süngkhüm jagi pai ni telungba taktang jagi anir aru; aser pai telungba taktang jagi anir aru aser pai anüolentip süngkhüm asadang;

²⁹tanüker taktang, tongnütem, tongshitem dena asadang nung tasazük tanga amaji kasa liasü; aser iba nung kichibatem liasü aser tongshitem nunga meketa liasü; aji talang nung süklep tenem, aser lenten nung süklep metsür pungu liasü.

³⁰Aser meketa tongshitem liasü, talang nung süklep metsür pungu, aser lenten nung süklep pungu.

³¹Aser iba tongshitem kima taktang tsütsü liasü; aser iba tongnütem manung asangdongtem liasü; aser ajagi atutsü jenjang ti liasü.

³²Idangji anüdoklen tsütsü telungba taktang leni pai ni anir aru aser iba süngkhüm asadang nung tanga denji kasa liasü;

³³aser tanüker taktang, tongnü, aser tongshi pai asadang nung tanga amajisa angu, aser yangji telunglen kichiba aser tongshi meketa kichibatem liasü; aji süklep tenem talang aser lenten nung süklep metsür pungu liasü.

³⁴Iba tongshitem jagi kima taktang tsütsü shia liasü, aser asangdongtemji ilen tsütsü aser külen tsütsü liasü; aser ajagi atutsü jenjang ti liasü.

³⁵Pai ni anüdoklentip süngkhümi anir arua aji asadang aser aji tanga den kasa liasü,

³⁶aser tanüker taktang, tongnü aser tongshitem asadang nung tanga tasazük ama liasü. Iba nung meketa kichibatem liasü. Aji metong nung süklep tenem aser lenten nung süklep metsür pungu liasü.

³⁷Aser tongshitemji kima taktang tsütsü liasü, aser asangdongtemji ileni aser ilenji liasü, aser ajagi atutsü jenjang ti liasü.

³⁸Süngkhüm nung tongnü anasa kishi den taktang ka liasü; yangji parnoki tarongba tenla shitok.

³⁹Aser süngkhüm kilempok nung ilen tsütsü langbang ana aser külen tsütsü langbang ana, iba manung tarongba tenla, temenen tenla aser tai tenla tepsettsü asoshi liasü.

⁴⁰Kilempok temalen, anüdoklentip süngkhüm leni tailen anasa arudang, yangji külen külen ana langbang anana liasü,

⁴¹aji süngkhüm lenmang nung telunglen langbang pezü aser kimalen langbang pezü, ajak agi langbang ti tenla tepsettsü asoshi liasü.

⁴²Aser ano tarongba tenla asoshi, lung agi angentetba langbang pezü, metong nung süklep ka ser tesadang aser lenten nung süklep ka ser tesadang, aser talang süklep ka liasü: iba manung parnoki tarongba tenla aser tenlatem tepsetba osettsüset ayu.

⁴³Aser tenla tepsetba shia itaka ayutsü asoshi jara meketa taitaktsü tekabu ka lema sentaka liasü.

⁴⁴Pai ni telungba taktang jagi süngkhüm ajanga anir aru; aser telungba taktang nung taktang ana kentenertem asoshi liasü; ka anüdoklentip len shia aser ka anüolentip süngkhüm anasa liasü.

⁴⁵Aser pai kü dang ashi, Anüolentip shia aliba, iba taktang ya, ki anükba putirtem asoshi lir;

⁴⁶aser anüdoklentip shia alibaji tenladak anükba putirtem asoshi lir, aji Zadok jabasotem asoshi lir, Levi jabaso rongnung parnokji dang KIBUBA dang tenzüktsü asoshi anasa arutsü akok.

⁴⁷Idangji pai taktangji asadang aser metong nung süklep noklang ka, aser lenten nung süklep noklang ka, lenten metong kasa liasü. Aser tenladakji ki tejaklen liasü.

⁴⁸Idangji pai ni tekülemdak ki kilempoki anir aru, aser kilempok tongshi shia asadang, ileni süklep pungu aser külenji süklep pungu: aser süngkhüm lentenji ileni süklep pungu, aser külenji süklep pungu; aser süngkhüm lentenji ileni süklep asem aser külenji süklep asem liasü.

⁴⁹Kilempok metongji süklep metsü, aser lentenji süklep terka liasü; oda ajagi jenjang ter parnoki atu, aser tongnü anasaji tongshitem liasü, ka ileni aser ka ilenji liasü.