Read njo EZEKIEL 41 Bible Online

EZEKIEL 41 - njo bible

EZEKIEL 41

¹Idangji pai ni tekülemdak kidangi anir aru, aser tongnütem asadang, külen süklep trok liasü,

²aser kilungi aiba lenmangji süklep ter liasü, aser lenmang tailen tiplenji külen süklep pungu aser külen süklep pungu; aser iba metongji pai asadang nung süklep lir, aser lenten nung süklep metsü liasü.

³Idangji pa telungleni ai, aser tongnü shia tailen lenmang asadang nung süklep ana liasü; aser tailen lenmangji lenten nung süklep tenet liasü.

⁴Aser pai iba metongji asadang nung süklep metsü, aser lenten nung süklep metsü tekülemdak ki ajaklen liasü. Aser pai kü dang ashi, “Ibai temeshitiba tesem lir.”

⁵Idangji pai ki jara asadang nung, süklep trok; aser tiplen taktang shiaji lenten süklep pezü, ki ajaklen meketa liasü.

⁶Aser tiplen taktangtemji asemsem atongtepa yangluba ka ka shia nung semer liasü.

⁷Aser tip taktangtemji ki meketa talangba talangba atudang tesademba küma liasü; kechiaser ki meketa lungbanga atubaji talangba talangba tua liasü. Anungji ki lentenji temalen maneni liasü anungji teküboktiba taktang nungi tematiba taktang jagi tiyongtsüba taktang ajanga nisung atutsüsa liasü.

⁸Aser ki meketa ajungketa sabang tema liasü, rangdong ataloktsüsa süklep trok aser tekabu trok lema talang, koba agi tip taktangtem kimung küma liasü.

⁹Tip taktang jara temalenji süklep pungu lenten liasü,

¹⁰aser ki tip taktang aser taktang taren tetsüngda nung taktang nung kima ka, ki meketa süklep metsü liasü.

¹¹Aser tip jara kishitemji tazüngla aliba tsütsü, kishi ka anüdoklentiplen aser kishi kaji anüolentiplen liasü; aser tazüngla tokja alidakji lenten süklep pungu meketa liasü.

¹²Kima anüolen tsütsü ki ka lenten nung süklep neter liasü, aser ki meketa jaraji süklep pungu lenten, aser metong süklep tukur liasü.

¹³Idangji pai ki asadang nung metong nung süklep noklang ka; aser kimaji ki aser jara dena süklep noklang ka metong nung liasü;

¹⁴anüdoklen ki tejaklenji kima dena süklep noklang ka lenten liasü.

¹⁵Idangji anatsülen jara dena kima anüolen tsütsü pai kiji asadang nung, süklep noklang ka liasü. Tekülemdak ki telungba aser temaba kilempokji kilem sübanga liasü;

¹⁶aser asemprongla ajak nung kichiba meketa liasü, ki jara telunglenji atem agi kichiba tashi, kichiba nungi kilem tashi meketa süng agi labanga,

¹⁷telungba taktangi aiba kishi tashi, telunglen aser temalen liasü. Aser jara ajak manung aser meketa, telungba taktang nung aser taktang tiyong nung,

¹⁸idakji cherubim aser asangdong angenteta yanglua liasü, asangdong ka süli tetsüngda nung cherub ka ta, cherub shia tejak anana;

¹⁹nisung ka tejak külen asangdong repranga, aser külenji molusongzü pungtu tejak agi asangdong tsütsü shia liasü. Itemji ki meketa angenteta yanglua liasü;

²⁰kishi nungi kilem tashi aser tekülemdak jara nung cherubim aser asangdong yanglua liasü.

²¹Tekülemdak kiküm tongnütemji tip ajaklen kasa tasazük, aser temeshidak ki tereprangtsüji, tenla ki tereprangtsü amai liasü.

²²Tenladakji süng agi yanglu, süklep asem talang, iba metong süklep ana liasü; aser iba kinüktem, tamentakdak aser tiplen ajak süng agi yangluba liasü. Aser pai kü dang ashi, “KIBUBA madang noktaka aliba langbangji ibai lir.”

²³Tekülemdak ki aser temeshidakji kishi ana liasü.

²⁴Aser kishi shia nung süngu to ana enshishia liasü, aji kishi shia anana liasü.

²⁵Cherubim aser asangdongtem, jara manung yanglua aliba ama item manunga yanglua liasü; aser kimalen kilempok tejaklen tongshi temelem liasü.

²⁶Aser kilempok tezülen külen külen na nung shibanga aliba kichiba aser asangdongtem liasü; yamaji tip taktangtem aser tongshi temelemtemjia liasü.