Read njo EZEKIEL 42 Bible Online

EZEKIEL 42 - njo bible

EZEKIEL 42

¹Idangji pai ni kima taktang, anüdoklentip tsütsü lenmangi anir ia anüdoklen jara tejaklen, lenmang piyong tareni aliba taktangtem leni ani.

²Ki koba anüdoklentip liasü tasazük metongji süklep noklang ka, aser lenten süklep tenem.

³Taren külen külen tejaklenji telungba taktang kima süklep metsü, aser kima taktang labanga aliba nungji, atongtepa aliba taktang asem nung tareni menden la-a tua liasü.

⁴Taktangtem tejaklenji lenmang ka liasü, süklep ter lenten, aser süklep noklang ka tarok; aser iba manung taktangtem kishitemji anüdoklentip len lapoka liasü.

⁵Temaba taktangtemji tanga dang nungi temesüba liasü; kechiyong menden laa atuba jagi atongtepa aliba ki tekübokba aser tiyongtsübatem denji medemdang nung tasazük tajemba liasü.

⁶Kechiyong itemji atongtepa yangluba ki asem nung liasü, aser itemji taktang tongshitem ama tongshi maliasü. Anungji temaba taktangji tekübokba aser tiyongtsüba taktang dang nungi tajemba liasü.

⁷Temaba jara taktangtem, kima taktang jara ajia alibaji, metong süklep tenem liasü.

⁸Kechiyong kima taktang nung taktang metongji süklep tenem liasü; aser tekümlemdak ki tejaklenbo süklep noklang ka liasü.

⁹Aser item taktang kübok nungi anüdoklen tsütsü, kati kima taktang nungi aitsü tailen lenmang liasü.

¹⁰Anüolentip tsütsü tekülemdak ki taktang tejaklen aser ki jara temalen. Taktangtem liasü aser item tejaklen lenmang ka liasü;

¹¹itemji anüdoklentip shia aliba taktangtem ama liasü, metong kasa aser lenten kasa, item den tereprangtsü aser kishitem kasa liasü.

¹²Aser anüolentip tsütsü aliba taktangtem kishitem ama, lenti nung kishi ka liasü, oda indang indanga item jagi kati aitsüsa jara jakdang anüdoklen tsütsü liasü.

¹³Idangji pai kü dang ashi, “Tekülemdak ki taktang tejaklen anüdoklentip aser anüolentip taktangtemji temeshi taktangtem lir, kong KIBUBA anasa aliba putirtemi temeshitiba oset achitsü; yangji parnoki temeshitiba oset, aser chiyungtsü tenla, aser temenen tenla, aser tai tenla ataloka yutsütsü; kechiyong talidakji temeshi lir.

¹⁴Kodang putirtemi telungi idir, idangji parnoki kechi nung tenzüker yangji parnok sobutsü metoktsüi temeshidak nung jagi kima taktang jagi metugutsüla; kechiyong itemji temeshi lir; aser parnoki tanga sobutsü sobur temalen nisungtem anasa aotsü akok.”

¹⁵Kodang parnoki ki telungba asadangbaji renem anüdoklen shia aliba süngkhüm lenmang temaleni pai ni anir ao, aser aji meketa asadang,

¹⁶anüdoklen tsütsüji pai tasadangba tsütok agi asadang nung ajok tasazük noklang pungu, pai meketa asadang.

¹⁷Pai anüdoklentip tsütsü asadang, ajok tasazük süklep noklang pungu, tasadangba ajok agi meketa asadang.

¹⁸Pai anüolentip asadang, tasadangba ajok agi, ajok tasazük noklang pungu.

¹⁹Pai anüoleni meyipa, pai ilenji asadang nung, ajok tasazük noklang pungu liasü.

²⁰Pai ki tip pezüsülenji asadang, iba nung meketa jara liasü, metongji noklang pungu, aser lenten noklang pungu, aji koba temeshi aser koba memeshi-i ali aji agi arr ladanga liasü.