Read njo EZEKIEL 48 Bible Online

EZEKIEL 48 - njo bible

EZEKIEL 48

¹Tang itemi kintem tenüng lir; anüdoklentip tatem nung, tzüyim nungi Hethlon lenmang agi, Hamat lenmang tashi Damaska linük arrtsü nung, anüdoklentip nung, anüdoklen nung anüolen tashi, Dan shilem ka.

²Dan arrtsü anasa, anüdoklen tsütsü nungi anüolen tsütsü tashi, Asher, shilem ka.

³Asher arrtsü anasa, anüolentip tsütsü nungi anüolen tsütsü tashi, Naftali shilem ka.

⁴Naftali arrtsü anasa, anüdoklen tsütsü nungi anüolen tsütsü tashi, Manase shilem ka.

⁵Aser Manase arrtsü anasa, anüdoklen tsütsü nungi anüolen tsütsü tashi, Efraim shilem ka.

⁶Aser Efraim arrtsü anasa, anüdoklen tsütsü nungi anüolen tsütsü tashi, Reuben shilem ka.

⁷Reuben arrtsü anasa, anüdoklen tsütsü nungi anüolen tsütsü tashi, Yihuda shilem ka.

⁸Yihuda arrtsü anasa, anüdoklen tsütsü nungi anüolen tsütsü tashi, nenoki tenla agütsütsübaji asütsü; lenten nung süklep meyirijang metsür pungu, aser metong nung kin ka shilem den kasa, anüdoklen nungi anüolen tashi, iba tiyong nung temeshidak alitsü.

⁹KIBUBA nem nenoki tenla agütsübaji metong nung süklep meyirijang metsür pungu, aser lenten nung meyirijang ter.

¹⁰Iba temeshi shilem nungi putir telemsa ka agitsü, metong nung süklep meyirijang metsür pungu anüdoklen nungi anüolen tashi, aser anüolentip nungi anüdoklentip tashi süklep meyirijang ter, iba tiyong nung KIBUBA temeshidak alitsü;

¹¹Iba telemsa ya Zadok jabaso temeshi putirtem asoshi lir, parnoki kü temelaba benshir, aser Israel mashileni aodang Levitem ama parnoki mashileni mao;

¹²aji parnok asoshi balaka lemzüktsüba lir, aser aji linük ajanga lemzüktsüba nungi, Levitem arrtsü den sentaktepa aliba, ajak dang temeshi linük lir.

¹³Aser putirtem arrtsü denji anasatepa, Levitem shilem ka agitsüla, metong nung süklep meyirijang metsür pungu, aser lenten nung süklep meyirijang metsü.

¹⁴Aser parnoki iba nungi mayoktsüla, mesüra aji memelenteptsüla, kechiyong ibai KIBUBA dang temeshi lir.

¹⁵Meyirijang metsür pungu tejaklen anünga aliba lenten nung meyirijang punguji telok tenüngdaktsü, yim li asoshi, talitsü asoshi aser chiyimdak asoshi, aser yimtiji iba tiyong nung alitsü.

¹⁶Iba tasazük itemi alitsü; anüdoklentip süklep meyirijang pezü noklang pungu aser anüolentip süklep meyirijang pezü noklang pungu, aser anüdoklen süklep meyirijang pezü noklang pungu, aser anüolen süklep meyirijang pezü noklang pungu.

¹⁷Yimti nung chiyimdak alitsüla, anüdoklentip süklep noklang ana aser tenem, aser anüolentip süklep noklang ana ser tenem, aser anüdoklen süklep noklang ana ser tenem. Aser anüolen süklep noklang ana tenem.

¹⁸Tanüngba anüdoklen metong nung meyirijang ter, aser anüolen meyirijang ter, temeshidak tenem anasatepaji, yimti meyong alitsü; iba nungi züsentetba agi yimti nung mapa inyakertem asoshi chiyungtsü agütsütsü,

¹⁹aser aji Israel kin ajak nungi mapa inyakertemi züsentsü.

²⁰Telemzüktsüba ajongaji temeshidak lemzüktsübaji, aser yimti meyong dena, nai süklep meyirijang metsür-pungu lenten metong kasa yanglutsüla.

²¹Kechisa anüngdir, tongtibuba meyong asütsü; aji temeshidak lemzüktsüba aser yimti asoshiji, süklep meyirijang metsür-pungu lemzüktsüba anüdoklen, anüdoklen arrtsü tashi, aser anüolen lemzüktsüba süklep meyirijang metsür pungu, anüolen arrtsü tashi, kintem shilem den apakloka alibaji, tongtibuba meyong asütsü.

²²Yamaji temeshidak lemzüktsübaji, tenla ki temeshidak, aser Levitem oset, yimti oset dena tongtibuba shilem rongnung alitsü. Aser tongtibuba shilemji Yihuda aser Benjamin arrtsü tsüngda nung alitsü.

²³Kin tanüngbatem; anüdoklen nungi anüolen tashi, Benjamin shilem ka.

²⁴Benjamin den arrtsü ladanga aliba anüdoklen nungi anüolen tashi, Simeon shilem ka.

²⁵Simeon den arr ladanga aliba, anüdoklen nungi anüolen tashi, Issakar shilem ka.

²⁶Issakar den arr ladanga aliba, anüdoklen nungi anüolen tashi, Zebulun shilem ka.

²⁷Zebulun den arr ladanga aliba, anüdoklen nungi anüolen tashi, Gad shilem ka.

²⁸Gad anüdoklentip arrtsüji Tamar nungi Meribath-kadesh tzü tashi, yang nungjagi Ijip ayong tashi Tzüyim Tulu tonga alitsü.

²⁹Israel kintem nem nenoki lemzüktsütsüba senmangji iba limai lir; aser itemi parnok shilem lir ta KIBUBA Tsüngremi ashir.

³⁰“Itemi yimti süngkhümtem alitsü: anüdoklentip tsütsü, süklep meyirijang pezü ser noklang pungu tasazük,

³¹süngkhüm asem, Reuben Süngkhüm, Yihuda Süngkhüm, Yosef Süngkhüm, Benjamin Süngkhüm, aser Dan Süngkhüm, item süngkhümtemji Israel kidong tenüng nung Levi Süngkhüm ta aja.

³²Anüdoklen tsütsü süklep meyirijang pezü noklang pungu, süngkhüm asem, Yosef Süngkhüm, Benjamin Süngkhüm, aser Dan Süngkhüm.

³³Anüolentip tsütsü süklep meyirijang pezü noklang pungu, süngkhüm asem, Simeon Süngkhüm, Issakar Süngkhüm, aser Zebulun Süngkhüm.

³⁴Anüolen tsütsü süklep meyirijang pezü noklang pungu, süngkhüm asem, Gad Süngkhüm, Asher Süngkhüm, aser Naftali Süngkhüm.

³⁵Tema temeket nung süklep meyirijang terti asütsü, aser iba anogo nungjagi iba yimti tenüng KIBUBA yangji lir ta asütsü.”