Read njo HOSEA 3 Bible Online

HOSEA 3 - njo bible

HOSEA 3

¹KIBUBAi kü dang ashi, “Ano oang, tetsür ka shibai tangar den meimteper aser nüktapangtsür ka lir la meimang; oda Israel chirtemi tangar tsüngremtem dangi meyipaka aser kismis amtsük meimaka, KIBUBAi parnok dang meim ama, nai la meimang.”

²Anungji ni la taribi shekel terpungu, barley tsük homer ka ser tesadang agi alizük.

³Aser ni la dang ashi, “Na kü den anogo aika liang, na nüktapangtar makümtsü, aser na shinga kinungtsü masütsü, ne matsüngdang nia yamaji alitsü.

⁴Kechiyong Israel chirtem anogo aika chuba makai, tanishir makai, aser tetepsetba tenla makai, aser temeshi tongshi makai, aser Efod mesüra terafim makai alitsü.

⁵Tesülen Israel chirtem meyipa arutsü, aser KIBUBA parnok Tsüngrem aser par chuba Dawid bushitsü; aser tesülen anogo nung tetsübu agi KIBUBA dangi aser pai ajungba dangi arutsü.”