Read njo HOSEA 6 Bible Online

HOSEA 6 - njo bible

HOSEA 6

¹“Arung, asenoki KIBUBA dangi meyipdi kechiyong pai shisatsü, aser pai asenok anebtsütsü; pai azük aser pai asenok aleptsütsü.

²Ananü lir pai asenok asentenshitsütsü, tasemnü buba nung pai asenok shia arudaktsütsü, aser pa jakdang asenok alitsü.

³Aser asenoki metetdi, asenoki KIBUBA metettsü asoshi tejakleni odi; anepdang aruba ama atangji pa arutsü, tzünglu ama, ali tenlatsüba tsükla tzünglu ama pa asenok dangi arutsü.”

⁴Oh Efraim, ni ne dang kechi inyaktsü? Oh Yihuda, ni ne dang kechi inyaktsü? Kechiyong ne temeimji anepdang mepet ama, aser yakta oadokba azüngtzü ama lir.

⁵Anungji ni parnok ainkartem ajanga lensükogo, ni parnok kü bang o agi tepsetogo, aser tesangwa ama kü o bendangba aor.

⁶ Kechiyong ni tetepsetba tenla masü temeim takang aginür, aser tarongba tenla masü, Tsüngrem metetba shisatsü aginür.

⁷Saka Adam ama parnoki tezüngzüktepba raksaogo, idakji parnoki ni anema külaka benshiogo.

⁸Gileadji tai mapa inyakertem yimti lir, aji azü agi mezübanga lir.

⁹Aser ashir teloki nisung mita ata ama, yamaji putir teloki Shekemi aoba lenmang nung parnoki nisung tepseter, hau parnoki samesa mapa inyaker.

¹⁰Israel kidong nung ni tetsübutsü mapa angu, yangji Efraim jabujaria lir. Israel menena lir.

¹¹Ano, Oh Yihuda, kodang ni kü nübur tepuokba tanaben bener arudir, idangji na asoshi aluruba mapang tataktet lir.