Read njo HOSEA 8 Bible Online

HOSEA 8 - njo bible

HOSEA 8

¹Ne bang nung jangzü atalokang. Mongzü ka ama KIBUBAr kidong anema pa arur, kechiaser parnoki kü tezüngzüktepba raksaogo, aser kü ozüng anema tai mena.

²Parnoki kü dang, “Kü Tsüngrem, onok Israeli na metet” ta ayimtentsü.

³Kechi tajung aji Israeli endokadokogo, tsükchirtemi pa arishitsü.

⁴Parnoki chubatem shim, saka aji ni ajanga masü, parnoki tongtipur shim, saka aji ni memetet. Par taribi aser hon agi, parnok leptokadoktsüsa parnoki süngyanglutem yanglu.

⁵Oh Samaria, ni ne nashi chanu maginür, parnok anema kü ain adoker; Israel nung parnok tai makai alitsüba mapang kodangang adoktsü?

⁶Kechiyong Israel nungi ibai lir, süngyanglur nisungi ibai yanglu, aser ya Tsüngrem masü hau, Samaria nashi chanu anüka ajasatsü.

⁷Kechiyong parnoki mopung prok, aser parnoki Tsüngrem mopung arutsü, modong noktaka aliba nung tsük madoktsü aser iba nungi tachitsü mangutsü, adok asünunga aji bendangertemi achitsü.

⁸Israel meyokadokogo, tang kin rongnung tagidak makaba po ama parnok lir.

⁹Kechiyong parnok arem gado pei kija nemzüba ama Asiriai tuagi lir. Efraimi sen agi temeimertem aar.

¹⁰Hau, kin rongnung parnoki aatepaka, tang ni parnok sentepdaktsütsü; aser chuba aser chuba chirtem totzü mezütsüba nungi kenpiga parnok anenadoktsü.

¹¹Kechiaser Efraimi temenen menatsü asoshi tenladak jenti kümdakjaka, itemji pa madang temenen tenladak küma lir.

¹²Ni pa asoshi kü ozüng meyi ter tezüluba ozüng nung züluaka, itemji parnoki memetetba oset ka ama züngshir.

¹³Parnoki tetepsetba tenlatem meimer, parnoki shi tenlar, aser aji achir, saka KIBUBAi itemji magizüker. Tang pai parnok tai temenen bilemtettsü, aser parnok temenen merenshitsü; parnok Ijipi shilangtsü.

¹⁴Kechiyong Israeli pei Teyanglur amadok, aser chuba kitem yanglu, aser Yihudai atsü atsüba yimti jenti kümdaktsü; saka pa yimtitem madaki ni mi yoktsü aser ajagi iba nübur kitemji meyokadoktsü.