Read njo YONA 2 Bible Online

YONA 2 - njo bible

YONA 2

¹Idangji ango pok nungi Yonai KIBUBA pa Tsüngrem dang sarasadem.

²Aser pai ashi, kü timtem nungi ni KIBUBA dang aja, aser pai kü dang langzü; Sheol pok nungi ni ayimten, aser nai kü ola angashi.

³Kechiyong nai ni tarokdak, tzüyim tiyongi aja, aser ni meketa tzüsem tulu liasü; ne tzüsem aser ne tzülok ajak kü madak süi.

⁴Aser ni ashi, Ne nükdang nungi ni endoka lir; aji saka ni ne temeshi tenla ki tsütsü reprangtsü.

⁵Kü taküm manung tzü agi nungbang; taroki ni meketa liasü, kü kolak nung tzüyim-ai agi meyibanga liasü.

⁶Ni tenem tsüng tonga alu; alimai ni tartangtsü agi teti asoshi kü madak shibanga-adok; aji saka nai kü taküm kangla nungi agitet, Oh KIBUBA kü Tsüngrem.

⁷Kodang kü nela lulaa aküm, ni KIBUBA bilemtet; aser kü sarasademba ne dangi, ne temeshi tenla kidangi ait.

⁸Shirnoki amajok süngyanglu züngshir, parnoki pei temeim yimlibilem senzüka toktsür.

⁹Saka tenüngsang agütsüba ola agi ne dang tetepsetba tenla agütsütsü; ni kechi azüngashi, aji ni agütsütsü. Tekümtetba KIBUBA meyong lir.

¹⁰Aser KIBUBAi ango dang jembi, aser pai Yona ali takong nung saktsüzüka toktsü.