Read njo YONA 3 Bible Online

YONA 3 - njo bible

YONA 3

¹Idangji KIBUBA O tanaben Yona dangi aru,

²“Aramesoang, yimti tulu Nineve jagi oang, aser ni ne dang melaba sayutsüngi o parnok dang ayimtenang.”

³Anungji Yona arameso, aser KIBUBA o ama, Ninevei ao. Tang Nineveji asemnü lenmang, kanga merena uluba yimti ka liasü.

⁴ Yonai yimti jagi aitsü tenzüka kenü lenmang jaja aser pai ayimtena ashi, “Nineve samatsütsü joko anogo lir nü dang.”

⁵Aser Nineve nüburtemi Tsüngrem dak amang, aser parnoki tulumiba ka ayongzük aser parnok tulutiba nungi tilatiba tashi anem sü aben.

⁶Kodang osang jagi Nineve chuba atong, pai chuba menden nungi arameso aser pa nungi chuba sü luzük, aser anem sü aben, aser aut nung amen.

⁷Pai ya oda shia sangdong, aser chuba aser tongtipur tashi ajanga Nineve sünga prokshi, “Nisung saka shiruru saka, nashi saka, san saka, kecha temenakdang. Parnok techiyungdaktsü mesüra tzü tejemdaktsü.

⁸Saka nisung aser shiruru na prongla, anem sü abendakjang aser Tsüngrem dang tashi agi parnoki ayimtendakjang; hau parnok ket nung aliba teka yitepba nungi, aser parnok shia pei tamajung lenmang nungi meyipdakjang.

⁹Ashiko asenok mesamatsüsa, Tsüngremi temulung meyipa aser pa tesashi ain adokba nungi meyiptsüa shibai metet?”

¹⁰Kodang Tsüngremi parnok tamajung lenmang nungi meyipba mapa angu; aser Tsüngremi, pai parnok dang inyaktsü ta ashiba tamajung nungi temulung meyip aser pai aji meinyak.