Read njo ZÜNGDANGBA 1 Bible Online

ZÜNGDANGBA 1 - njo bible

ZÜNGDANGBA 1

¹ Israel nungertem Ijip lima nungi pilar küm tanabuba ita tanabuba mezüng anogo nung Sinai lisem lima süki nung KIBUBAi Mosa dang ashi,

²“Aron nenati Israel nunger ajak kidong aser kinunger balala nütsüng yongsük züngdangang. Tebur ajak tenüng zülutenang,

³küm metsü nungi temalen Israel nunger shir rarai otettsü parnokji züngdangang.

⁴Kidong shia nungi tongti nisung kaka na yaritsü asüngdangang.

⁵“Na yaritsü asoshi kidong shia nungi tenüng itemi alitsü: Reuben nungi Shedeur jabaso Elizur,

⁶Simeon nungi Zurishaddai jabaso Shelumiel.

⁷Yihuda nungi Aminadab jabaso Nashon.

⁸Issakar nungi Zuar jabaso Nethanel.

⁹Zebulun nungi Helon jabaso Elia.

¹⁰Yosef chirtem Efraim nungi Ammihud jabaso Elishama, Manase nungi Pedahzur jabaso Gamaliel.

¹¹Benjamin nungi Gideon jabaso Abidan.

¹²Dan nungi Ammeshaddai jabaso Ahiezer.

¹³Asher nungi Okran jabaso Pagiel.

¹⁴Gad nungi Deuel jabaso Elisaf.

¹⁵Naftali nungi Enan jabaso Ahira.”

¹⁶Itemi telok nungi shimtetba tebu nunger kidong lenir, parnok tongtipur liasü.

¹⁷Mosa aser Aroni parnok pei tenüng agi ajaba nisung itemi agi.

¹⁸Aser parnok telok ajak külemi tanabuba ita mezüngnü sentep, aser tongtiba jagi anir küm metsü nungi temalen nisung shia kidong-kidong, kinünger-kinunger tenüng züludaktsü.

¹⁹KIBUBAi Mosa dang melaba ama Sinai lisem lima nung pai parnok tenüng zülu.

²⁰Küm metsü nungi shir temalen tebur shirnok rarai otettsü akok parnok tenüngtemji kidong shia aser kinunger shia tareni Yakob chir tambusang Reuben nungi tenzüka zülu.

²¹Reuben kidong nungi nisung meyirijang lir-trok noklang pungu.

²²Simeon nungi jakzükba tebur küm metsü tema rarai otettsü purtem züngdang.

²³Simeon kidong nungi parnok meyirijang tenemer tuku noklang asem.

²⁴Gad nungi jakzükba tebur küm metsü tema rarai otettsü purtem züngdang.

²⁵Gad kidong nungi parnok meyirijang lir-pungu noklang trok ser tenem.

²⁶Yihuda nungi jakzükba tebur küm metsü tema rarai otettsü purtem züngdang,

²⁷Yihuda kidong nungi parnok meyirijang neter pezü, noklang trok.

²⁸Issakar nungi jakzükba tebur küm metsü tema rarai otettsü purtem züngdang,

²⁹Issakar kidong nungi parnok meyirijang tenemer pezü, noklang pezü.

³⁰Zebulun nungi jakzükba tebur küm metsü tema rarai otettsü purtem züngdang,

³¹Zebulun kidong nungi parnok meyirijang tenemer tenet, noklang pezü.

³²Yosef chirtem Efraim nungi jakzükba tebur küm metsü tema rarai otettsü purtem züngdang,

³³Efraim kidong nungi parnok meyirijang lir, noklang pungu.

³⁴Manase nungi jakzükba tebur küm metsü tema rarai otettsü purtem züngdang,

³⁵Manase kidong nungi parnok meyirijang semer ana, noklang ana.

³⁶Benjamin nungi jakzükba kidong-kidong, kinunger-kinunger, tongtibai anir tebur küm metsü tema rarai otettsü purtem tenüng zülu.

³⁷Benjamin kidong nungi parnok meyirijang semer pungu, noklang pezü.

³⁸Dan nungi jakzükba kidong-kidong, kinunger-kinunger tongtibai anir tebur küm metsü tema rarai otettsü purtem tenüng zülu.

³⁹Dan kidong nungi parnok meyirijang roker ana, noklang tenet.

⁴⁰Asher nungi jakzükba tebur küm metsü tema rarai otettsü purtem züngdang,

⁴¹Asher kidong nungi parnok meyirijang lirka noklang pungu.

⁴²Naftali nungi jakzükba kidong-kidong, kinunger-kinunger tongtibai anir tebur küm metsü tema rarai otettsü purtem tenüng zülu.

⁴³Naftali kidong nungi parnok meyirijang tenemer asem noklang pezü.

⁴⁴Mosa aser Aroni züngdangba item rongnung, Israel tanishir nisung terana dena itemi liasü: parnok nisung shiaji pei kidong asoshi liasü.

⁴⁵Anungji Israel chir ajak, kinüngerkinünger züngdangba, küm metsü nungi temalen rarai aotsü akoker ajak Israel nunger:

⁴⁶oda parnok ajak züngdangba meyirijang noklang trok ser asem, noklang pungu ser tenem liasü.

⁴⁷Levi kidongbo parnok rongnungji mezüngsem,

⁴⁸kechiaser KIBUBAi Mosa dang ashi,

⁴⁹“Levi kidongji nai Israel nungertem den külemi mezüngsemtsüla.

⁵⁰Saka tekülemdak süki aser Ozüng Süngden aser oset-tsüset ajak madak parnokji ketdang asütsü aser itemji anebalutsü asoshi Levi kidongji shimang. Parnoki tekülemdak süki aser iba oset ajak abentsü aser aji meketa anentsü.

⁵¹Kodangsa tekülemdak sükiji aenshia odir Levitemi aji agizüktsü, aser kodangsa aji yangludir, parnoki dang yanglutsüla. Tangar kar danga ibaji anasa arura südaktsütsü.

⁵²Israel nungertemi parnoki süki telok-telok aser kibong shia pei yari yanglutsü.

⁵³Saka Israel nungertem madak ni ain adoka malitsü asoshi Levitemi Ozüng Süngden alidak tekülemdak süki nung ozüng süngdenji anebalutsüla.”

⁵⁴Anungji KIBUBAi Mosa dang melaba ajak ama Israel nungertemi inyak.