Read njo ZÜNGDANGBA 12 Bible Online

ZÜNGDANGBA 12 - njo bible

ZÜNGDANGBA 12

¹Mosai Kushtsür ka agiba atema Miriam o Aron nati pa anema jembi.

²Parnoki ashi, “KIBUBAi Mosa den dang jembir asü? Pai asenok dena mejembir no?”

³Tang ali jak nung alir ajak dang alema iba nisung Mosa kanga ajemaluba nisung ka liasü.

⁴Aoksa-a KIBUBAi Mosa, Aron aser Miriam dang ashi, “Ner asem sentep süki-i adokang.” Aser par asemji adok.

⁵Aser KIBUBAi mepet tongshi ka nung alu aser süki kiküm nung noktak, aser Aron o Miriam na aja, aser tenapronglai tejak leni aru.

⁶Aser pai ashi, “Tang kü o angang nenok rongnung ainkar kar lira, ni KIBUBAi kü sasa pa dang mangdang nung metetdaktsütsü, ni pa den pungmang nung jembitsü.

⁷ Kü tenzüker Mosa denbo yamaji masü, kü ki ajak madak pa ketdang yuja lir:

⁸Pa denbo ni tebang o tebang na agi ajang ajanga jembir, tetezütsü agi masü aser KIBUBA temanga pai angur; ajangla kechiba nenoki kü tenzüker Mosa anema jembitsü temulung ulur?”

⁹Aser KIBUBAi parnok anema ain adok aser pa pila-a ao.

¹⁰Aser süki temalen nungi mepetji agien; aser ajiang, rürjep ama mesünga Miriam dak zütsüra adok, aser Aroni Miriam dak reprang, aser ajiang la dak zütsüra liasü.

¹¹Idangji Aroni Mosa dang ashi, “Oh kü kibur, onoki tamashi inyakba aser onoki temenen menaba yong onok temerenshima.

¹²Pei tetsü nu menden nungi asodang shi tesadang ka meketi asoba nisung ama la tasü ama tekümdaktsüma ta ni mepishir.”

¹³Aser Mosai KIBUBA dang ayimtena ashi, “Oh Tsüngrem, ni mepishir la anebjangma.”

¹⁴ KIBUBAi Mosa dang langzü, “Tebui la jak nung metsü metsüloktsüra, la maksü nung anogo tenetnü atsüka melilima? Tanendak tezülen tenetnü la shibanga yuang aser iba sülenji la tanendaki anir arutsü akok.”

¹⁵Anungji tenetnü tanendak tezülen Miriam shibanga ayu, aser Miriam tanaben meyipa anir maru tashi nisungtemi apusoa mao.

¹⁶Iba sülen nisungtemi Hazerot nungi apusoa ao aser Paran lisem lima nung anen.