Read njo ZÜNGDANGBA 2 Bible Online

ZÜNGDANGBA 2 - njo bible

ZÜNGDANGBA 2

¹KIBUBAi Mosa aser Aron dang ashi,

²“Kodang Israel nungertemi tanendak yangludir, nisung shia pei kidong nisan anasa aser pei lemzükba telok rongnung asütsüla. Aser tanendakji süki meketa yanglutsüla.

³“Anüdoklen tsütsü anü adoklen shia Yihuda kidongi pei tanendak kinunger nisan ayutsü. Yihuda kidong nungi tanishirji Amminadab chir Nashon alitsü.

⁴Par telok züngdangbaji meyirijang neter pezü, noklang trok liasü.

⁵Iba sülenji Issakar kidong anentsü. Issakar kidong nungi tanishirji Zoar jabaso Nethanel alitsü.

⁶Par telok züngdangbaji meyirijang tenemer pezü, noklang pezü liasü.

⁷“Iba sülenji Zebulun kidong anentsü. Zebulun kidong nungi tanishirji Helon jabaso Eliab alitsü.

⁸Par telok züngdangbaji meyirijang tenemer tenet, noklang pezü liasü.

⁹Yihuda tanendak tsütsü lemzüktsüba telok züngdangbaji meyirijang noklang ka tir trok noklang pezü liasü. Parnok tama apusotsü.

¹⁰“Anüolentip tsütsü Reuben telok nisan alitsü. Reuben kidong tanishirji Sheduer jabaso Elizur alitsü.

¹¹Par telok züngdangbaji meyirijang lir trok noklang pungu.

¹²Iba sülenji Simeon kidong anentsü. Simeon kidong tanishirji Zurishaddai jabaso Shalumiel alitsü.

¹³Par telok züngdangbaji meyirijang tenemer tuku noklang asem.

¹⁴Iba sülen Gad kidong anentsü. Gad kidong tanishirji Reuel jabaso Eliasaf alitsü.

¹⁵Par telok züngdangbaji meyirijang lir pungu, noklang trok ser tenem.

¹⁶Reuben tanendak tsütsü lemzüktsüba telok züngdangbaji meyirijang noklang ka tenemer ka noklang pezü tenem. Tapusodang parnokji tanabuba asütsü.

¹⁷“Tanendak lemsaba tiyong nungji süki aser Levitem aotsüla. Parnok telok lemsaba amato telok shia pei nisan kübok aotsüla.

¹⁸Anüolen tsütsü Efraim telok nisan alitsü. Efraim kidong tanishirji Ammihud jabaso Elishama alitsü.

¹⁹Par telok züngdangbaji meyirijang lir, noklang pungu.

²⁰Iba sülen Manase kidong anentsü. Manase kidong tanishirji Pedahzur jabaso Gamaliel alitsü.

²¹Par telok züngdangbaji meyirijang semerana, noklang ana.

²²Iba sülen Benjamin kidong anentsü. Benjamin kidong tanishirji Gideon jabaso Abidan alitsü.

²³Par telok züngdangbaji meyirijang semer pungu, noklang pezü.

²⁴Efraim tanendak tsütsü lemzüktsüba telok züngdangbaji, meyirijang noklang kaser ti, noklang ka. Tapusodang parnokji tasembuba asütsü.

²⁵“Anüdoklentip tsütsü Dan kidong telok nisan alitsü. Dan kidong tanishirji Ammishaddai jabaso Ahiezer alitsü.

²⁶Par telok züngdangbaji meyirijang roker ana, noklang tenet.

²⁷Iba sülen Asher kidong anentsü. Asher kidong tanishirji Ochran jabaso Pagiel alitsü.

²⁸Par telok züngdangbaji meyirijang lirka, noklang pungu.

²⁹Iba sülen Naftali kidong anentsü. Naftali kidong tanishirji Enan jabaso Ahira alitsü.

³⁰Par telok züngdangbaji meyirijang tenemer asem, noklang pezü.

³¹Dan tanendak tsütsü lemzüktsüba telok züngdangbaji meyirijang noklang ka tenemer tenet, noklang trok.”

³²Israel nungertem parnok telok telok züngdangba ajak agi meyirijang noklang trok ser asem, noklang pungu tenem.

³³Saka KIBUBAi Mosa dang melaba ama Israel nungertem yongsük nungji Levitembo maten.

³⁴KIBUBAi Mosa dang melaba ama Israel nungertem ajaki inyak. Parnoki pei nisan kübok anen aser parnoki apusodang pei kidong aser kinünger den apuso.